اياز لطيف پليجي پاران آپا مريم مجيدي جي وڇوڙي تي ڏک جو اظهار
قومي عوامي تحريڪ آپا مريم مجيدي جي ڏکويل خاندان سان ھن غم ۾ برابر جي شريڪ آھي: اياز لطيف پليجو
حيدرآباد(بيورو)قومي عوامي تحريڪ جي سربراھ اياز لطيف پليجي سنڌ جي ناليواري شاعرہ ۽ ليکڪہ آپا مريم مجيدي جي وڇوڙي تي گهري ڏک ۽ افسوس جو اظهار ڪندي چيو آهي تہ قومي عوامي تحريڪ آپا مريم مجيدي جي ڏکويل خاندان سان ھن غم ۾ برابر جي شريڪ آھي. آپا مريم جو وڇوڙو سنڌي ادب، شاعري ۽ مزاحمتي دنيا لاءِ وڏو نقصان آهي۔ آپا مريم جون سنڌي ادب لاءِ ڪيل خدمتون ھميشه ياد رکيون وينديون. آپا مريم مجيدي پنھنجي شاعري ۽ لکڻين ۾ وطن جي خوشبو، محبت، درد ۽ سماجي شعور اجاگر ڪيو. آپا مريم مجيدي باوقار وطن دوست ۽ قوم دوست شخصيت هئي، ھن سڄي ڄمار ادب ۽ علم جي خدمت ڪئي۔ اياز لطيف پليجي چيو تہ آپا مريم مجيدي جھڙيون شخصيتون قومن جو بيمثال سرمايو هونديون آهن ۽ سندن وڇوڙو انتھائي ڏکوئيندڙ آهي۔ آپا مريم مجيدي جون ادبي ۽ قومي خدمتون تاريخ ۾ زندھ رھنديون.