بھارت خطے میں دہشتگردی کا سب سے بڑا سرپرست ملک ہے، پاکستان نے نہ کبھی بھارت کی بالادستی کو تسلیم کیا ہے، نہ آئندہ کرے گا۔فیلڈ مارشل سید عاصم منیر

فیلڈ مارشل سید عاصم منیر نے بھارت کو واضح پیغام دیتے ہوئے کہا ہے کہ بھارت خطے میں دہشتگردی کا سب سے بڑا سرپرست ملک ہے اور پاکستان نے نہ کبھی بھارت کی بالادستی کو تسلیم کیا ہے، نہ آئندہ کرے گا۔ آئی ایس پی آر کے مطابق فیلڈ مارشل عاصم منیر نے 52ویں کامن ٹریننگ پروگرام کے افسران سے خطاب کرتے ہوئے کہا کہ ملک کی ترقی اور استحکام کے لیے عوام، حکومت اور مسلح افواج کے درمیان مضبوط ہم آہنگی اور تعلق ضروری ہے۔ فیلڈ مارشل نے مزید کہا کہ دہشتگردی دراصل بھارت کا اندرونی مسئلہ ہے، جو اس کی اندرونی انتہاپسندی، اقلیتوں سے امتیاز اور خصوصاً مسلمانوں کے ساتھ ظالمانہ رویے کا نتیجہ ہے۔