سندھ سمیت ملک بھر میں طوفانی بارشوں کی پیشگوئی

اسلام آباد (ویب ڈیسک): محکمہ موسمیات نے سندھ سمیت ملک بھر میں آج سے 30 مارچ تک تیز ہواؤں اور گرج چمک کے ساتھ بارش کی پیشگوئی کی ہے۔ محکمہ موسمیات کے مطابق نئے سسٹم کے زیرِ اثر کراچی اور حیدرآباد میں 25، 26 اور 28، 29 مارچ کو بارش کا امکان ہے۔ اس کے علاوہ سکھر، دادو، کشمور، جیکب آباد، لاڑکانہ اور دیگر شہروں میں بھی بارش متوقع ہے۔ محکمہ موسمیات کا کہنا ہے کہ بلوچستان اور خیبر پختونخوا کے مختلف علاقوں میں بھی بارش ہو سکتی ہے۔ اس سسٹم کے اثرات کے تحت پنجاب اور اسلام آباد کے مختلف شہروں کے علاوہ گلگت بلتستان اور آزاد کشمیر میں بھی بارش کی پیشگوئی کی گئی ہے۔