نوشهروفيروز ويجهو ڳوٺ سائين رکيو چانڊيو واسي نينگر سان ٽن ڏينهن تائين مبينا بدفعلي
دوسو چانڊيو واڙي تي ڪم ڪرائڻ بهاني پٽ وٺي ويو، ٽن ڏينهن تائين کيس بدفعلي جو نشانو بڻايو: والد
نوشهروفيروز (رپورٽر) نوشهروفيروز ويجهو ڳوٺ سائين رکيو چانڊيو واسي 14 سالا نينگر سان مبينا جنسي ڏاڍائي، نينگر کي اسپتال آندو ويو نينگر جي والد ميڊيا کي ٻڌايو ته دوسو چانڊيو چوپائي مال جي سار سنڀال لاءِ مزدوري تي بيھارڻ جو چئي پٽ کي وٺي ويو جنهن کي لڳاتار ٽن ڏينهن تائين حوس جو نشانو بڻائيندو رهيو آهي 15 هزار ماهوار مزدوري جي لالچ ڏئي منهنجي پٽ کي جوابدار وٺي ويو جنهن پٽ سان زنا ڪئي آهي اختياريون نوٽيس وٺي انصاف ڪن هن چيو ته جوابدار بااثر آهي جيڪو ڪيس داخل ڪرڻ جي صورت ۾ جان کان مارڻ جون ڌمڪيون ڏئي رهيو آهي پوليس جوابدار کي گرفتار به ڪيو ان باوجود هو ڌمڪائي رهيو آهي هوڏانهن پوليس مبينا جوابدار دوسو چانڊيو کي گرفتار ڪري ورتو آهي ۽ نينگر کي ميڊيڪل جي لاءِ ليٽر ڏئي سول اسپتال موڪليو آهي پوليس موجب ميڊيڪل رپورٽ اچڻ کان پوءِ ئي ڪيس داخل ڪيو ويندو