پارلیمنٹ لاجز میں احتجاج کرنے والے پی ٹی آئی کے سینئر رہنماؤں کے خلاف دہشت گردی ایکٹ کے تحت مقدمہ درج

پارلیمنٹ لاجز میں احتجاج کرنے والے پی ٹی آئی کے سینئر رہنماؤں کے خلاف دہشت گردی ایکٹ کے تحت مقدمہ درج ایس ایچ او سنگجانی کی مدعیت میں درج مقدمے میں 50 سے 60 کارکنان کو نامزد کیا گیا ہے۔ دوسری جانب اپوزیشن اراکین کا پارلیمنٹ ہاؤس میں چوتھے روز بھی دھرنا جاری ہے۔ دھرنے میں محمود خان اچکزئی، علامہ راجا ناصر عباس، سلمان اکرم راجہ اور دیگر اراکین موجود ہیں۔ رہنماؤں نے اعلان کیا ہے کہ پی ٹی آئی بانی کو اسپتال منتقل کیے جانے تک دھرنا جاری رکھا جائے گا۔ کے پی ہاؤس کے سامنے دیا گیا دھرنا ختم کر دیا گیا ہے جبکہ سہیل آفریدی اور علی امین گنڈاپور واپس روانہ ہو گئے۔ بیرسٹر گوہر نے کہا ہے کہ مطالبات کی منظوری تک پارلیمنٹ ہاؤس کے سامنے دھرنا جاری رہے گا۔ لطیف کھوسہ نے پی ٹی آئی بانی کی میڈیکل رپورٹ کے حوالے سے سپریم کورٹ سے رابطہ کیا ہے۔ حکومت کے ساتھ مذاکرات کا اختیار محمود خان اچکزئی اور علامہ راجا ناصر عباس کو دیا گیا ہے۔