پاکستانی خاتون افسر نے دنیا کے بہترین پولیس افسر کا بین الاقوامی ایوارڈ جیت لیا
ڈسٹرکٹ پولیس آفیسر (DPO) بٹگرام سونیا شمروز خان نے بین الاقوامی ایوارڈ حاصل کیا
خیبر پختونخوا کے سینئر سپرنٹنڈنٹ آف پولیس (SSP) اور ڈسٹرکٹ پولیس آفیسر (DPO) بٹگرام سونیا شمروز خان نے بین الاقوامی ایوارڈ حاصل کیا۔
سونیا شمروز کو بہترین پولیسنگ اور خواتین کے خلاف تشدد کی روک تھام پر انٹرنیشنل ایسوسی ایشن آف ویمن پولیس کی جانب سے ایوارڈ دیا گیا، سونیا شمروز کو نیوزی لینڈ کے شہر آکلینڈ میں پولیس آفیسر آف دی ایئر کے ایوارڈ سے نوازا گیا۔
سونیا شمروز بطور ڈی پی او چترال اور دیگر عہدوں پر کام کر چکی ہیں، انہوں نے جبری شادیوں کی روک تھام کے لیے شکایت سیل بھی قائم کیا۔
ایس ایس پی سونیا شمروز نے ایسا اعزاز حاصل کرنے کے بعد کہا کہ میں یہ ایوارڈ صنفی امتیاز سے متاثرہ خواتین اور محنتی پولیس افسران کے نام کرتی ہوں۔