گلشن حديد ۾ چور سيڪيورٽي گارڊ کي رسن سان ٻڌڻ بعد پنج دڪان ٻهاري ويا

ملير (رپورٽ: عبدالرشيد مورجھريو) ضلعي ملير جي علائقي گلشن حديد فیز ون ۾ تالا ٽوڙ چور ٽولي پاران هڪ ئي رات ۾ پنجن وڏن دڪانن کي کاٽ هڻي قيمتي سامان چوري ڪري ورتو پوليس موجب پنجن ڄڻن تي ٻڌل هٿياربند ٽولي پهرين مارڪيٽ جي سيڪيورٽي گارڊ کي پڪڙي، کيس رسن سان ٻڌي هڪ پاسي ڪري ڇڏيو، جنهن بعد دڪانن جي تالا ٽوڙي اندر داخل ٿي ويا.واردات دوران موبائل فون شاپ، سونارن جي دڪان، ۽ ڪيرانا اسٽور سميت پنج دڪانن مان روڪ رقم، موبائل فون، سون، ۽ ٻيو قيمتي سامان چوري ڪري ورٿو پوليس اختيارين جو چوڻ آهي ته متاثر دڪاندار نقصان جو جائزو وٺڻ بعد تفصيلي رپورٽ ڏيندا.اطلاع ملڻ تي پوليس واقعي واري هنڌ پهچي وئي شاهديون گڏ ڪيون ۽ سي سي ٽي وي فوٽيج ذريعي جوابدارن جي سڃاڻپ ۽ گرفتاري لاءِ جاچ شروع ڪئي وئي آهي.