نوشهروفيروز ۾ سوشل ويلفيئر کاتي پاران جشن آزادي جي حوالي سان تقريب منعقد

ڊي سي ارسلان سليم، ايڊيشنل ڊائريڪٽر سوشل ويلفيئر شهباز مظهر سهتو، اسسٽنٽ ڊائريڪٽر سجاد ميمڻ ۽ ٻيا شريڪ

نوشهروفيروز(ڊ ر)نوشهروفيروز ۾ ملڪ جي 78 هين جي موقعي تي سوشل ويلفيئر کاتي پاران ايڊوانس ۾ سالگرهه ملهائي وئي ڪيڪ به ڪاٽيو ويو ٿيل تقريب کي خطاب ڪندي ڊپٽي ڪمشنر نوشهروفيروز ارسلان سليم ، ايڊيشنل ڊائريڪٽر سوشل ويلفيئر شهباز مظهر سهتو، اسسٽنٽ ڊائريڪٽر سجاد ميمڻ ۽ ٻين چيو ته اسان پنهنجي ملڪ جي 78 هين يوم آزادي جي موقعي تي انتهائي خوش آهيون اسان کي پنهنجو ملڪ وڏڙن ۽ پاڪ فوج جي قربانين کانپوءِ ئي آزاد ٿي مليو آهي قربانيون ڏيندڙ پاڪ فوج جي انهن شهيدن کي سرخ سلام پيش ڪيون ٿا هنن چيو ته مان اپيل ٿو ڪريان مستقبل جي معمارن کي ته پنهنجي ملڪ ۽ قوم جي خدمت ڪرڻ لاءِ هو هن مهل کان ئي پنهنجي جاکوڙ شروع ڪن ته جيئن اهي به اڳتي هلي پنهنجي علائقي، صوبي ۽ ملڪ جي لاءِ ڪردار ادا ڪري سگهن ان موقعي تي سوشل ويلفيئر کاتي مان رٽائرڊ ٿيندڙ عملدارن توڙي مختلف فيلڊن ۾ بھترين ڪردار ادا ڪندڙن کي ايوارڊ ڏنا ويا جڏهن ته مختلف اسڪولن جي شاگردن پاران ملڪي آزادي جي حوالي سان تقريرون ۽ ٽيبلا پيش ڪيا پير خالد سيف الله، عزيز انصاري ۽ ٻين پڻ خطاب ڪيو