سنڌ دشمن منصوبن خلاف قومي عوامي تحريڪ جي سڏ تي 14هين ڏينهن به مظاهرا

سنڌو تي ڌاڙي، ڪارپوريٽ فارمن، ڪرپشن، ڏوھن ۽ ميرٽ جي لتاڙ ڪنهن به صورت ۾ قبول ناهي: اڳواڻ

حيدرآباد /ٽنڊو ڄام/ شھدادڪوٽ/ نندو /ٻھارا(رپورٽرز وٽان) پاڻي تي ڌاڙي، ڪارپوريٽ فارمن، ڪرپشن، ڏوھن ۽ ميرٽ جي لتاڙ خلاف قومي عوامي تحريڪ جي مرڪزي سڏ تي 14ھين ڏينھن بہ سنڌ جي مختلف شهرن ۾ احتجاجي مظاھرن ڪيا ويا ان سلسلي ۾ ٽنڊو ڄام ۾ پريس ڪلب اڳيان مظاھرو ڪيو. احتجاج جي اڳواڻي سنڌياڻي تحريڪ جي مرڪزي جنرل سيڪريٽري نصرت خاصخيلي قومي عوامي تحريڪ، ھميرا خاضخيلي، حيدرآباد ضلعي جي صدر نذير بليدي، گل محمد سولنگي، بابو ميمڻ، راجا چانڊيو، نور حسن جمالي، رب ڏنو ملڪ، بابو سولنگي، جمن سولنگي، احسن علي ۽ شير علي سولنگي ڪئي. قومي عوامي تحريڪ جو مرڪزي سينيئر ڊپٽي جنرل سيڪريٽري الطاف خاصخيلي پڻ شريڪ ٿيو.شهدادڪوٽ ۾ قومي عوامي تحريڪ ضلعي شھدادڪوٽ جي صدر علي اڪبر خاصخيلي، ضمير مغيري، جاويد جمالي، نياز عمراڻي، عرض محمد جمالي، جي اڳواڻي ۾ ڪوٽو موٽو چوڪ تي احتجاجي مُظاهرو ڪيو ويو. ننڍو شھر ۾ ڪامريڊ حسين درس، سليم ملاح، عبدالرسول ملاح، اسماعيل ملاح، جمعون سولنگي، ذوالفقار علي ۽ ٻين جي اڳواڻي ۾ احتجاجي مظاهرو ڪيو ويو. ٻهارا ۾ قومي عوامي تحريڪ ضلعي ٺٽو جي صدر ممتاز علي شيخ، حبيب الله پليجو، غفور سومرو، آمين جوڻيجو، ڪامريڊ صديق پليجو ، اڪرم دل، متن پليجو، يوسف سنڌي، محمد پليجو ۽ ٻين جي اڳواڻي ۾ احتجاجي مظاهرو ڪيو ويو ان موقعي تي سنڌياڻي تحريڪ مرڪزي جنرل سيڪريٽري نصرت خاصخيلي چيو تہ خطاب ڪندي چيو تہ پيپلزپارٽي جي ڪرپث حڪمرانن 18 سالن کان حڪمراني ڪري سنڌ کي تباھ ڪري ڇڏيو آھي سنڌ جي ماڻھن کي ھاڻ ھنن مان جان ڇڏائڻي پوندي. پاڻي ۽ زمينن جي تاريخ ساز جدوجھد جي پٺ ۾ خنجر ھنيو ويو. سنڌ جا ماڻھو پنھنجي بقا لاءِ جدوجھد جي ميدان تي اچڻ. سنڌياڻي تحريڪ ۽ قومي عوامي تحريڪ درياھ ۽ زمينن لاءِ سڄي سنڌ ۾ جدوجھد ڪري رھي آھي. سنڌو درياھ تي ڌاڙا لڳي رھيا آھن. آصف زرداري ايوان صدر ۾ ويھي اقتدار لاء سوديبازي ڪري رھيو آھي. اقتدار لاءِ ڌاڙيل ڪئنال ٺاھيا پيا وڃن. چشمه جھلم، تونسا پنجند ۽ ٿل ڪئنال سنڌ دشمن منصوبا آھن. پنجاب 12 مھينا سنڌو درياھ جو پاڻي چوري ڪري ٿو. قومي عوامي تحريڪ جي مرڪزي سينئر ڊپٽي جنرل سيڪريٽري الطاف خاصخيلي خطاب ڪندي چيو تہ سنڌ ۾ زراعت کي تباھ ڪري غربت، بيروزگاري، بدامني ۽ منشيات مسلط ڪئي وئي آھي. نوان ڪئنال ٺھيا تہ سنڌ ريگستان ٿي ويندي. وفاق ۽ سنڌ جي حڪمرانن وٽ عوام جي ترقي ۽ خوشحالي جو ڪو منصوبو ناھي. سنڌ ۾ آئين، قانون نالي ڪا شئي ناھي. انصاف ۽ امن صرف حڪمران طبقي لاءِ آھي. حسين درس خطاب ڪندي چيو تہ جمھوريت جي نالي ۾ انسان دشمن سرداري، جاگيرداري ۽ وڏيرا شاھي جو نظام قائم آھي. ھر طرف ڪرپشن جو راڄ آھي. اڳواڻن چيو ته نوڪرين، ڊگرين جو وڪرو، منشيات ۽ ماڻھن جو اغوا ڌنڌو بنجي ويو هو آھي. ڪرپشن جو ڪينسر پکڙجي ويو آھي. ممتاز شيخ خطاب ڪندي چيو تہ سنڌ دشمن 6 ڪئنال ۽ ڪارپوريٽ فارمنگ منصوبا رد ڪيا وڃن. سنڌو درياھ تي ڌاڙا ھڻي سنڌ کي ريگستان بنائڻ بند ڪيو وڃي. سنڌ ڌاڙيلن ۽ ڏوھارين جي حوالي ڪئي وئي آھي. بدامني سبب ماڻھن جو جيئڻ جنجال ٿي ويو آھي. سنڌ دشمن منصوبن جي خاتمي تائين جدوجھد جاري رھندي. نظير بليدي خطاب ڪندي چيو تہ سنڌ مان تيل ۽ گئس نڪرو ٿو، قدرتي دولت سان مالا مال ھجڻ باوجود سنڌ ۾ بک، بدحالي ۽ بيروزگاري عروج تي آھي.