گهگهر جي 10 ڳوٺن کي هفتي کان پاڻي جي فراهمي بند

عورتن ۽ ٻارڙن سميت علائقي واسي ڏورانهن علائقن مان پاڻي آڻڻ تي مجبور

ملير(رپورٽ: عبدالرشيد مورجھريو) گهگهر جي 10 ڳوٺن جو هڪ هفتي کان پاڻي بند، عورتون ۽ بارڙا ڏورانهين علائقن مان پاڻي آڻڻ تي مجبور، پاڻي بند هجڻ سبب علائقي ۾ ڪربلا واري صورتحال آهي ٽينڪر وارن اگھ ٻيڻا ڪري ڇڏيا آهن ڳاٽي ٽوڙ مهانگائي ۾ به ويلا ماني مسئلو بڻيل آهي ته پاڻي ٽينڪر ڪيئن خريد ڪيون فوري طور پاڻي فراهم ڪيو وڃي ٻي صورت ۾ قومي شاهراھ تي ڌرڻو هنيو ويندو، رهواسي تفصيل موجب ملير جي بن قاسم واري علائقي گهگهر جي کوسا ڳوٺ ، حاجي جنگي خان ڳوٺ، غلام محمد ڳوٺ، شفيع ڳوٺ، صابو ڳوٺ سميت 10 ڳوٺن جو هڪ هفتي کان پاڻي بند آهي جنهن سب عورتون ۽ بارڙا ڏورانهين علائقن مان پاڻي آڻڻ تي مجبور آهن ان سلسلي ۾ مولانا عبدالماجد نديم، فياض اتيرو، حاجي اسماعيل مگسي، عبدالعليم کوسو،صلاح الدین کوسو، جان محمد جاني، حمير سومرو، بابر کوکر ۽ ٻين ٻڌايو ته هڪ هفتي کان پاڻي بند هجڻ سبب علائقي ۾ ڪربلا واري صورتحال آهي ڪيترائي ڀيرا لکت ۾ درخواستون ۽ احتجاج ڪيا آهن پر ڪنهن نوٽيس نه ورتو آهي جڏهن ته ٽينڪر وارن اگھ ٻيڻا ڪري ڇڏيا آهن ڳاٽي ٽوڙ مهانگائي ۾ به ويلا ماني مسئلو بڻيل آهي ته پاڻي ٽينڪر ڪيئن خريد ڪريون انتظاميا چوي ٿي ته ڪي ڊي اي لائين جي مرمت هلي پئي جنهن سبب پاڻي بند آهي هڪ 7 ڌينهن ٿي ويا آهن اڃان تائين مرمت ختم نٿي ٿئي هنن مطالبو ڪيو ته فوري طور پاڻي فراهم ڪيو وڃي ٻي صورت ۾ قومي شاهراھ تي ڌرڻو هنيو ويندو