ملير: رمضان دوران به يوسف عارفاڻي ڳوٺ مسئلن جي ور چڙهيل

ملير (رپورٽ: عبدالرشيد مورجھريو) رمضان المبارڪ جي شروعات سان ئي يوسف عارفاني ڳوٺ جي يونين ڪائونسل چوڪنڊي ۾ واقع ربنواز محلو سخت مسئلن جي ور چڙهي ويو آهي علائقي جي گهٽين ۽ گهرن اڳيان گٽر جو گندو پاڻي بيٺل آهي، جڏهن ته هنڌ هنڌ ڪچري جا ڍير لڳل آهن، جنهن سبب بدبو پکڙجي رهي آهي ۽ رهواسي سخت تڪليف ۾ آهن۔مقامي ماڻهن موجب گندي پاڻي جي نيڪالِ جو نظام مڪمل طور ناڪاره ٿي چڪو آهي۔ گٽر اٿلڻ سبب گندو پاڻي گهٽين ۽ گهرن تائين پهچي ويو آهي، جنهن ڪري نمازين، روزيدارن، ٻارن ۽ بزرگن کي سخت ڏکيائين کي منهن ڏيڻو پئجي رهيو آهي۔ شهرين جو چوڻ آهي ته رمضان جهڙي برڪت واري مهيني ۾ به صفائي سٿرائي جا انتظام ناڪافي هجڻ لاڳاپيل ادارن جي ڪارڪردگي تي سوال اٿاري ٿو۔علائقي واسين ٻڌايو ته هن مسئلي جي حل لاءِ ڪيترائي ڀيرا شڪايتون ڪيون ويون آهن، پر اڃا تائين ڪو به اثرائتو قدم نه کنيو ويو آهي۔ هنن خدشو ظاهر ڪيو ته مسلسل گندگي ۽ بدبو سبب وبائي بيماريون ڦهلجڻ جو انديشو وڌي رهيو آهي۔