نوشهروفيروز شهر جا مختلف علائقا گندگي جي ور چڙهيل، شهرين جو احتجاج

ڏينهون ڏينهن شهر گندگي جي ڍير گندي پاڻي جي دٻي ۾ تبديل ٿي رهيو آهي، نوٽيس ورتو وڃي: شهري

نوشهروفيروز(ڊ ر)نوشهروفيروز ضلعي هيڊ ڪوارٽر وارو شهر ٽائون انتظاميا جي نااهلي سبب گندي پاڻي ۽ گندگيء جي ور چڙهي ويو،شهرين پاران احتجاجي مظاهرو ڪيو ويو ويو مظاهرين اللٌه واري چوڪ کان ريلي ڪڍي چيئرمين ڊاڪٽر ڪاشف ميمڻ،سي ايم او عبدالفتاح تڳر توڙي ڊي سي ارسلان سليم خلاف نعري بازي ڪئي ان موقعي تي اڳواڻن شير محمد ڪنڀر، غلام رسول ڇڄڙو، ماجد علي چنو، امام الدین ڪلھوڙو ۽ ٻين ميڊيا اڳيان دانهيندي چيو ته جنهن ڏينهن کان ميونسپل ڪميٽي نوشهروفيروز جي چيئرمين ڊاڪٽر ڪاشف ميمڻ چارج ورتي آهي ان ڏينهن کان هن ميونسپل جي ڪروڙين روپين جي بجيٽ کي پنهنجي ذاتي جاگير سمجهي لٽڻ شروع ڪيو آهي جنهن سبب سڄو شهر گندگيء ۽ گٽرن جي گندي پاڻيءَ جي لپيٽ ۾ آهي ان ڪري اسين پريشاني ۾ زندگي گذارڻ تي مجبور بڻيل آهيون هنن چيو ته ميونسپل چيئرمين پاڻ کي ضياءٗالحسن لنجار جو ماڻهو سڏائي هر مهيني ڪروڙين روپين جي ملندڙ بجيٽ ۾ وڏي پئماني تي ڪرپشن ڪري ٿو جنهن سرڪاري ملازمن کي ويزا تي ڇڏي ڏنو آهي ۽ پرائيويٽ ملازم ڏهاڙي تي پنهنجي هڪ عزيز کي ٺيڪيداري ڏياري بجيٽ کي هڙپ ٿو جنهن ڪري صفائي نه پئي ٿئي ۽ شهري عذاب واري زندگي پيا گذاريون هنن پيپلزپارٽي جي اعلا قيادت سميت لوڪل گورنمينٽ جي اعلا عملدارن کان نوٽيس وٺي کيس هٽائي سندس ڪيل ڪرپشن جي جاچ ڪرائي شهرين کي بدبودار ماحول کان بچايو وڃي۔