ملير ۾ ٻن ڌار ڌار واقعن ۾ ٻارڙو فوت، 4 زخمي

ملير (رپورٽ: عبدالرشيد مورجھريو) ملير ۾ پيش آيل ٻه ڌار ڌار واقعا پيش آيا آهن جن م پهريون واقعو پاڪستان مشين ٽول فيڪٽري سامهون ليبر ڪالوني ۾ پيش آيو جتي هڪ گهر جي ڀت ڪرڻ سبب ڪيترائي ٻار زخمي ٿي پيا زخمين مان هڪ ٻار زخمن جي سٽ نه سهندي فوت ٿي ويو۔ٻيو واقعو ڀينس ڪالوني جي جمعه حمايتي ڳوٺ ۾ اسڪول ڀرسان پيش آيو، جتي هڪ گهر جي ڇت ڪرڻ سبب چار ڄڻا زخمي ٿي پيا۔ زخمين ۾ 12 ورهين جو پرڪاش ولد پريم، 17 ورهين جو ديپڪ ولد شامير، 8 ورهين جو ايشان ولد شامير ۽ 8 ورهين جو پرڪاش ولد شام شامل آهن۔ زخمين کي فوري طور ايمبولينس ذريعي جناح سرڪاري اسپتال منتقل ڪيو ويو، جتي کين طبي سهولتون فراهم ڪيون پيون وڃن۔مقامي رهواسين جو چوڻ آهي ته علائقي ۾ ڪيترائي گهر، ڀتيون ۽ ڇتيون زبون حال آهن، جيڪي ڪنهن به وقت وڏي حادثي جو سبب بڻجي سگهجن ٿيون۔ هنن اختيارين کان فوري سروي ڪرائي حفاظتي اپاءَ وٺڻ جو مطالبو ڪيو آهي