قومي عوامي تحريڪ شڪارپور پاران تيل اگهن ۾ واڌ ۽ مهانگائي خلاف ريلي

حڪومت عوام جو معاشي قتلام ڪري رھي آھي، تيل جي قيمتن کي رد ڪيون ٿا: ايڊووڪيٽ زاھد ڀنڀرو

شڪارپور(احسان ابڙو) قومي عوامي تحريڪ شڪارپور پاران پيٽرول، ڊيزل ۽ ڳاٽي ٽوڙ مهانگائي خلاف احتجاجي ريلي هزار در چوڪ کان لکي در گھنٽه گهر تائين پهتي، جتي مظاهرين ڌرڻو ھڻي ويھي رھيا سخت نعريبازي. حڪومت عوام جو معاشي طور تي قتلام ڪري رھي آھي پيٽرول ۽ ڊيزل جي قيمتن کي رد ڪيون ٿا. ايڊووڪيٽ زاھد ڀنڀرو ريلي ۾ وڏي انگ ۾ شهرين، سياسي ۽ سماجي ڪارڪنن، واپارين ۽ نوجوانن شرڪت ڪئي، جن وڌندڙ مهانگائي ۽ پيٽروليم شين جي قيمتن ۾ واڌ خلاف سخت نعريبازي ڪئي سموري شھر جو گشت ڪري ڌرڻو ھيو، شرڪت ڪندڙن حڪومت کان مطالبو ڪيو ته پيٽرول ۽ ڊيزل جي اگهن ۾ فوري طور تي گهٽتائي آندي وڃي. مقررِين خطاب ڪندي چيو ته پيٽروليم شين جي قيمتن ۾ اضافو سڌي طرح هر شيءِ جي اگهن ۾ واڌ جو سبب بڻجي رهيو آهي، جنهن ڪري غريب ۽ لوئر مڊل ڪلاس طبقا سخت متاثر ٿي رهيا آهن ۽ خودڪشيون ڪري رھيو آھن. هنن وڌيڪ چيو ته جيڪڏهن مهانگائي تي ضابطو نه آندو ويو ته احتجاج جو دائرو وڌيڪ وڌايو ويندو. ريلي ۾ ايڊووڪيٽ زاھد ڀنڀرو، ايڊووڪيٽ ظفر علي چنه، مولانا مسعود احمد قادري، شاھنواز ابڙو، خان محمد ڏئيو، رفيق احمد ڪمبوء، رياض منگي، عبدالوهاب ڪاغذي، سيد واجد بخاري، نھال خان ڀنڀرو، اسد الله سومرو، گل ميمڻ، پير سرهندي، امداد سومرو، ارشد سومرو، سلطان رند، عبدالغفور دايو، صفدر امير پھوڙ، سيد سراج شاھ عبدالسميع بلالي، احسان جيھو سميت مختلف اڳواڻن شرڪت ڪئي. قومي عوامي تحريڪ شڪارپور اعلان ڪيو ته عوامي حقن جي تحفظ لاءِ سندن جدوجهد جاري رهندي ۽ ايندڙ ڏينهن ۾ وڌيڪ سخت احتجاجي لائحه عمل جو اعلان به ڪيو ويندو