هڱورجا ۾ اسڪول جي عمارت نه ٺهڻ خلاف ڳوٺاڻن، شاگردن ۽ شاگردياڻين جو ڌرڻو

ايشيئن بينڪ پاران ملھيراڻي مڊل اسڪول جي عمارت منظور ڪئي وئي هئي جيڪو منصوبو ڪينسل ڪيو ويو آهي: مطاهرين

ھڱورجا(رپورٽر)ملھيراڻي سولنگي مڊل اسڪول جي عمارت منظور ھجڻ باوجود تعمير نہ ٿيڻ جي خلاف اسڪول جي شاگردن والدين توڙي چونڊيل نمائندن ضلعي ڪائونسل جي ڪائونسلر امداد سولنگي . يوسي سيٺارجا بالا جي چيئرمين ڊاڪٽر زاڪر سولنگي.فقير نذير سولنگي . باقر سولنگي جي اڳواڻي ۾ احتجاجي مظاھرو ڪري ڌرڻو ھنيو ويو احتجاج ڪندڙن الزام لڳايو تہ ايشيئن بينڪ پاران ملھيراڻي مڊل اسڪول جي عمارت منظور ڪئي وئي پر ڄاڻي واڻي چون ٿا تہ ايشيئن بينڪ اسڪول جي عمارت وارو منصوبو ڪينسل ڪيو ويو آھي جيڪا وڏي نا انصافي آھي اسڪول جي عمارت نہ ھجڻ ڪري شاگرد توڙي شاگردياڻيون گرمي توڙي سردي ۾ سخت پريشان ھجن ٿا ھنن اعلي اختيارين کان مطالبو ڪيو آھي ت ملھيراڻي سولنگي مڊل اسڪول جي عمارت ايشيئن بينڪ منصوبي ۾ شامل ڪري جلد آن کي تعميرات ڪرائي وڃي.