ملير ڪينٽ ۾ فائرنگ دوران 2پوليس اهلڪار زخمي، جاچ شروع

ملير (رپورٽ: عبدالرشيد مورجھريو) گذريل رات ملير ڪينٽ واري علائقي ۾ فائرنگ جي واقعي ۾ ٻه پوليس اهلڪار زخمي ٿي پيا. اطلاع ملندي ئي پوليس جي وڏي نفري واقعي واري هنڌ پهچي وئي ۽ علائقي کي گهيري ۾ وٺي ثبوت گڏ ڪرڻ جو عمل شروع ڪيو ويو پوليس موجب زخمي اهلڪارن جي سڃاڻپ هيڊ ڪانسٽيبل گل محمد ۽ پوليس ڪانسٽيبل نديم طور ٿي آهي، جيڪي ملير ڪينٽ ٿاڻي تي مقرر هئا ٻنهي زخمين کي فوري طور اسپتال منتقل ڪيو ويو، جتي کين ضروري طبي امداد فراهم ڪئي وئي ايس ايس پي ملير واقعي جو فوري نوٽيس وٺندي لاڳاپيل آفيسرن کان تفصيلي رپورٽ طلب ڪري ورتي آهي ابتدائي ڄاڻ موجب نامعلوم هٿياربندن جي فائرنگ سبب ٻئي پوليس اهلڪار زخمي ٿيا، جڏهن ته واقعي ۾ ملوث جوابدارن جي ڳولا ۽ واقعي جي سڀني پاسن کان جاچ جاري آهي پوليس ۽ ڪرائم سين يونٽ واقعي واري هنڌ پهچي ثبوت گڏ ڪيا آھن جتان هڪ موٽرسائيڪل ۽ ٽي ڳولين جا خول هٿ آيا آهن جن کي فرانزڪ جاچ لاءِ تحويل ۾ ورتو ويو آهي پوليس جو چوڻ آهي ته واقعي جا ڪارڻ ۽ حقيقتون جاچ مڪمل ٿيڻ کان پوءِ سامهون آنديون وينديون، جڏهن ته وڌيڪ تفصيل جاچ ۾ اڳڀرائي سان جاري ڪيا ويندا.