شڪارپور: ڪار جي ٽڪر ۾ موٽرسائيڪل سوار جماعت اسلامي جو اڳواڻ طارق سهندڙو فوت، عبدالسميع ڀٽي زخمي

شڪارپور(احسان ابڙو )شڪارپور شيخ اياز يونيورسٽي روڊ تي مھراڻ ڪار جو موٽرسائيڪل کي پويان زوردار ٽڪر لڳڻ نتيجي ۾ جماعت اسلامي لکي غلام شاه جو امير طارق سھندڙو فوت، ضلعي امير عبدالسميع ڀٽي زخمي پيو.تفصيل موجب ;شڪارپور نيوفوجداري ٿاڻي جي حد شيخ اياز يونيورسٽي روڊ باء تي شڪارپور کان رستم طرفان ويندڙ جماعت اسلامي ضلعي عبدالسميع ڀٽي ۽ لکي غلام شاهه تعلقي جو امير طارق سھندڙو کي تيز رفتار مھراڻ ڪار موٽرسائيڪل کي پويان زوردار ٽڪر ھڻي فرار ٿي ويا ٽڪر لڳڻ جي نتيجي لکي غلام شاهه تعلقي جو امير طارق سھندڙو زخمن جـاسور نه سھندي شھيد ٿي ويو جڏهن ته ضلعي جو امير عبدالسميع ڀٽي سخت زخمي ٿي پيو جنهن کي ڳڻتي جوڳي حالت ۾ سول شڪارپور آندو ويو ڊاڪٽر طرفان فرسٽ ايڊ ڏني وئي جڏهن فوت ٿي ويل جماعت اسلامي تعلقي جي امير طارق سھندڙو جي لاش جو پوسٽ مارٽم ڪرڻ بعد لاش وارثن حوالي ڪيو لاش گھر پھچڻ تي ڪھرام مچجي ويو ڪار ڊرائيور موقعي تان فرار ٿي ويو آخري اطلاعن تائين واقعي جو ڪيس داخل نه ٿي سگھيو ٻئي پاسي نائب امير جماعت اسلامي صوبه سنڌ پروفيسر نظام الدين ميمڻ چيو ته تمام گهري ڏک سان اطلاع ڏجي ٿو ته امير جماعت اسلامي ضلع شڪارپور ج عبدالسميع ڀٽي ۽ امير تعلقه لکي غلام شاهه جناب طارق سھندڙو رستم بائي پاس ڀرسان هڪ روڊ حادثي جو شڪار ٿيا، جنهن ۾ جناب طارق سھندڙو صاحب شھيد ٿي ويا آھن.هن المناڪ حادثي سبب 5 جولائي آچر تي لکي غلام شاهه ۾ ٿيندڙ هڪ روزه ضلعي تربيتي گاھ ملتوي ڪئي وڃي ٿي.