قومي عوامي تحريڪ ملير جو اجلاس، تنظيمي توسيع ۽ احتجاجي تحريڪن جو اعلان

يونٽن جي مڪمل تنظيم، مختلف علائقن ۾ دورا ۽ احتجاجي ريليون ڪڍڻ جو فيصلو

ملير (رپورٽ: عبدالرشيد مورجھريو) قومي عوامي تحريڪ ضلع ملير جو اهم اجلاس ضلعي صدر فياض اتيرو جي صدارت ۾ خاصخيلي هائوس شاهه لطيف ٽائون ۾ منعقد ٿيو، جنهن ۾ مرڪزي انفارميشن سيڪريٽري ڪاشف خاصخيلي خصوصي طور شرڪت ڪئي۔ اجلاس ۾ ضلعي ملير جي سمورن عهديدارن ۽ ميمبرن وڏي انگ ۾ شرڪت ڪئي۔ اجلاس دوران ملير جي تنظيمي ۽ سياسي صورتحال جو تفصيلي جائزو ورتو ويو، ۽ تنظيم کي وڌيڪ مضبوط ۽ فعال بڻائڻ لاءِ اهم فيصلا ڪيا ويا۔ اجلاس ۾ طئي ڪيو ويو ته ايندڙ ٻن مهينن اندر گلشن حديد، لال محمد مري ڳوٺ، بگٽي ڳوٺ، علي محمد ڳوٺ، قادر نگر، تماچي ڳوٺ، ڪڇي ڳوٺ، کوکرا پار، چشمه ڳوٺ، ابراهيم حيدري، داؤد شورو ڳوٺ ۽ عبدالله ڳوٺ جا دورا ڪري يونٽن جون مڪمل باڊيون جوڙيون وينديون۔اجلاس ۾ اهو به فيصلو ڪيو ويو ته ملير جي ڳوٺن کي ليز ڏيڻ، بنيادي سهولتن جي فراهمي ۽ امن امان جي بهتري جي مطالبن تحت احتجاجي تحريڪ هلائي ويندي۔ ان سلسلي ۾ 24 مئي تي پپري ۾ احتجاجي ريلي، جون ۾ گھگھر، جولاءِ ۾ رزاق آباد ۽ آگسٽ ۾ شاهه لطيف ٽائون ۾ احتجاجي ريليون ڪڍڻ جو اعلان ڪيو ويو۔ اجلاس ۾ خبردار ڪيو ويو ته جيڪڏهن امڪاني طور 28هين ترميم بل منظور ڪيو ويو ته قومي عوامي تحريڪ ملير ۾ سخت احتجاجي ردعمل ڪندي