نوشهروفيروز ۾ مغوين جي بازيابي لاءِ ۽ ڪشمور ڌرڻي جي حمايت ۾ ڌرڻو

198 views | 05th Sep 2023 • سنڌي خبرون

ڪشمور ۽ ٻين شهرن مان اغوا ٿيل سمورن ماڻهن کي بنا دير بازياب ڪرايو وڃي: اڳواڻن جو مطالبو

نوشهروفيرو (ڊ ر) پريا ڪماري۔ هندو برادري سميت اغوا ٿيل مڙني ماڻهن جي بازيابي ۽ ڪشمور ڌرڻي تي ويٺل ڪارڪنن سان يڪجهتي جو اظهار ڪرڻ لاءِ نوشهروفيروز ضلعي بار ڪائونسل پاران قومي شاهراهه تي ڌرڻو هنيو ويو، جنهن ۾ وڏي انگ ۾ سياسي، سماجي ۽ شهرين جي شرڪت. ڌرڻي ۾ ضلعي جي وڪيلن سميت سول سوسائٽي شرڪت ڪئي. ان موقعي تي ڌرڻي جي اڳواڻي ڪندڙ سنڌ بار ڪائونسل جي ميمبر عبدالستار لھراڻي۔ امر امتياز ميمڻ۔ شوڪت ٻوهيو۔ اظهر رند۔ ساگر سهيل احمد منگي. شهري ايڪشن ڪميٽي جو يونس راڄپر. اسد چانڊيو. وزير وڳڻ۔ سردار اڪبر مورو۔ خالد چانڊيو. مظاهرين کي خطاب ڪندي ارشاد راڄپر چيو ته ڪشمور ۽ ٻين شهرن مان اغوا ٿيل سمورن ماڻهن کي بازياب ڪرايو وڃي. معصوم نينگري پريا ڪماري جي والدين کي ڪهڙي سزا ڏني پئي وڃي، ٻه سال گذري ويا پر پريا ڪماري جو ڪو به پتو نه پيو. ٻئي طرف 6 ڪلاڪن تائين ڌرڻو جاري رهڻ کانپوءِ ڊي ايس پي امداد سولنگي. ڊي ايس پي سي آءِ اي يار محمد رند. ايس ايڇ او محمد ابراهيم سومرو واقعي واري هنڌ پهچي احتجاج ڪندڙن سان ڳالهيون ڪيون، پوليس جي خاطري بعد ڌرڻو ختم ڪرڻ جو اعلان ڪيو ويو.