نوشھروفيروز ۾ اي ڊي سي ٽو سيد عمار حسين جي صدارت ۾ پوليو مھم بابت اجلاس

اجلاس ۾ 2 آڪٽوبر کان شروڳ ٿيندڙ پوليو مھم جي انتظامن بابت غور ويچار ڪيو ويو

نوشھرو فيروز(د ر) ايڊيشنل ڊپٽي ڪمشنر (2) سيد عمار حسين جي صدارت هيٺ 2 آڪٽوبر کان 8 آڪٽوبر 2023 تائين ھلندڙ پوليو جي خاتمي جي مھم جي انتظامن بابت ڊپٽي ڪمشنر آفيس جي ڪميٽي روم ۾ اجلاس ٿيو، جنهن ۾ ضلعي هيلٿ آفيسر ڊاڪٽر اسدالله. ڪلهوڙو، ورلڊ هيلٿ آرگنائيزيشن جي پوليو ايريڊيڪيشن آفيسر ڊاڪٽر غلام علي سولنگي، اين اسٽاپ آفيسر ڊاڪٽر لبنيٰ علي، اي پي آءِ مهم جي فوڪل پرسن ڊاڪٽر عبدالستار ۽ ٻيا لاڳاپيل آفيسر موجود هئا. ان موقعي تي اجلاس کي خطاب ڪندي ايڊيشنل ڊپٽي ڪمشنر چيو ته پوليو خلاف مهم قومي فرض آهي، ان ڪري سمورا لاڳاپيل آفيسر هن مهم کي ڪامياب بڻائڻ لاءِ پنهنجو ڀرپور ڪردار ادا ڪن، پوليو خلاف مهم کي ڪامياب بڻائڻ لاءِ ضلع انتظاميا پاران صحت کاتي سان هر ممڪن سهڪار ڪيو ويندو. هن چيو ته ضلعي جي سمورن ٻارن کي پوليو جا ڦڙا پيارڻ لاءِ ٽيمون گهر گهر وڃي پوليو کان بچاءَ جا ڦڙا پيارين ۽ ھائي رسڪ موبائيل آبادي کي ڪور ڪرڻ لاءِ خاص پلان جوڙيو وڃي. ان کان اڳ اجلاس کي بريفنگ ڏيندي ڊي ايڇ او ڊاڪٽر اسدالله ڪلهوڙي ٻڌايو ته ضلعي جي 3 لک 36 هزار 165 ٻارن کي پوليو جا ڦڙا پيارڻ لاءِ 874 موبائيل، 73 فيڪس، 41 ٽرانزٽ پوائنٽس سميت 988 ٽيمون جوڙيون ويون آهن.