سجاول ۾ صحت کاتي، مليريا ڪنٽرول پروگرام ۽ اين آر ايس پي جي تعاون سان مليريا جو عالمي ڏهاڙو ملهايو ويو

سجاول ۾ صحت کاتي، مليريا ڪنٽرول پروگرام ۽ اين آر ايس پي جي تعاون سان مليريا جو عالمي ڏهاڙو ملهايو ويو

سجاول (گلشيرميربحر) سڄي ملڪ جيان سجاول ۾ به صحت کاتي ضلعي سجاول ۽ مليريا ڪنٽرول پروگرام ۽ اين آر ايس پي جي تعاون سان سجاول سول اسپتال ۾ مليريا جو عالمي ڏهاڙو ملهايو ويو. مليريا جي عالمي ڏهاڙي جي موقعي ڊسٽرڪٽ هيلٿ آفيسر ۽ پيراميڊڪل اسٽاف پاران مليريا کان بچاءُ لاءِ ايم ايس آفيس کان بٺورو روڊ تائين آگهائي ريلي ڪڍي وئي، ريلي ۾ ڊي ايڇ او سجاول محمد حنيف ميمڻ، ايم ايس بشيرسولنگي، ايڊيشنل ڊپٽي ڪمشنر حبيب الله، مليريا فوڪل پرسن ڊاڪٽر اشفاق جعفراڻي، اين آر ايس پي طرفان عارف لوھار سميت سول سوسائي جي ماڻھن وڏي انگ ۾ شرڪت ڪئي. ان موقعي تي ڊي ايڇ او محمد حنيف ميمڻ، ايم ايس بشير سولنگي ۽ ٻين چيو ته عام طور تي مليريا جي بيماري کي معمولي سمجهيو وڃي ٿو جنهن ڪري بروقت علاج يا ٽيسٽ نه ڪرائڻ جي صورت ۾ مليريا خطرناڪ صورت اختيار ڪري سگهي ٿو. مليريا جي ڪري ٻين بيمارين جي لڳڻ جو خطرو پڻ وڌي وڃي ٿو، مليريا جي بچاءُ لاءِ پنهنجي گهرن کي صاف سٿرو رکڻ ضروري آهي رات جو مڇر دانيون استعمال ڪريو، مليريا جو علامتون ظاھر ٿيڻ شرط جلد از جلد ويجھي ڪنهن ويجھي صحت مرڪز تي وڃي مليريا جي مفت ٽيسٽ ڪرايو. مليريا هڪ قابل علاج آهي.