عمرڪوٽ ۾ هٿياربندن هٿان قتل ٿيل ايڪسائيز کاتي جي سب انسپيڪٽر جي جنازي نماز بعد تدفين

غضنفر عرف مور کوسو جي جنازي نماز ۾ سياسي سماجي اڳواڻن ۽ علائقي واسين جي وڏي انگ ۾ شرڪت

عمرڪوٽ(رپورٽ:ڪانجي مل رکيسر) عمرڪوٽ ڀرسان رتنور روڊ ڪيٽل ڪالوني لڳ نامعلوم ماڻهن جي فائرنگ گوليون لڳڻ سبب قتل ٿي ويل غضنفر عرف مور کوسو جي جنازي نماز ادا ڪئي وئي واقعي جو ڪيس داخل نه ٿيو وڌيڪ 2 شڪي گرفتار خبر موجب 2 ڏينهن پهرين عمرڪوٽ ڀرسان رتنور روڊ ڪيٽل فارم وٺ گوليون لڳڻ سبب غضنفر عرف مور کوسي واري واقعي ۾ ملوث نامعلوم جوابدارن پتو پئجي نه سگهيو عمرڪوٽ پوليس پاران شڪ جي بنياد تي ڊرائيور سميت ٽن ڄڻن کي گرفتار ڪري ورتو آهي جڏهن ته مقتول جي جنازي نماز کوسا پاڙي ۾ ادا ڪئي وئي جنازي نماز ۾ ضلعي چئرمين عمرڪوٽ حاجي محمد بقا پلي اڳوڻو ضلعي، چئرمين ڊاڪٽر نور علي شاھ، پ پ اڳواڻ اميد علي راھمون، قادر سومرو غلام محمد مھر, مير نور احمد ٽالپر، مير رضا ٽالپر، حاجي علي کاڙت، حاجي عرس کاڙت، نيم راج اوڏ، سميت مختلف سياسي سماجي اڳواڻن شھرين، صحافين جي شرڪت ڪئي جنازي نماز ۾ کوسا برداري جي سڄي سنڌ کان آيل مختلف معززن پڻ شرڪت ڪئي مرحوم غضنفر مور کوسو جي تدفين عمرڪوٽ جي اباڻي ڀانڊاري قبرستان ۾ مٽي ماءُ حوالي ڪيو ويو جڏهن ته ته مقتول غضنفر عرف مور کوسو اڳوڻي ٽائون چئرمين ۽ نامور سياستدان رئيس الھداد خان کوسو جو پُٽ ھيو ۽ ايڪسائيز کاتي ۾ سب انسپيڪٽر ھو جڏھن ته تدفين واري آخري رسمن وقت ماحول سوڳ وار ھو ھوڏانھن ڊاڪٽرن موجب ابتدائي رپورٽ ۾ ڄاڻايو ويو آهي ته ٽنگ ۾ ڳولي لڳڻ سبب رت وڌيڪ وھڻ ڪري واقعي موت ٿيو آهي پوليس ذريعن موجب شڪ جي بنياد تي ٽن ماڻهن کي حراست ۾ ورتو ويو آهيان ايس ايڇ او سٽي عطا محمد لغاري چيو ته جانچ ڪري رھيا آھيون وڌيڪ وارٽ ڪيس داخل ڪرائيندا ته جيڪي ملوث جوابدارن ھوندا انھن کي گرفتار ڪيا ويندا ٿرپارڪر سان تعلق رکندڙ صوبائي وزير دوست علي راھمون جي ڀاءُ اميد علي راھمون، ميڊيا سان ڳالهائيندي چيو ته کوسن ء راھمون برادري ڪو به تڪرار نه مبينا الزام هيٺ آيل جعمون راھمون کي پوليس حوالي ڪري ڇڏيو آهي اسان کي اميد آهي ته پوليس صاف شفاف جاچ ڪندي ڪنھن سان نا انصافي نه ٿيندي