جيڪب آباد جي خانگي ميڊيڪل سينٽر ۾ عورت فوت، وارثن جو احتجاج

خانگي ميڊيڪل سينٽر ۾ ويم لاءِ آندل ڳوٺ مجن ٿرڙي واسڻ ليلان سولنگي آپريشن بعد تڙپي تڙپي فوت، وارثن جو لاش رکي احتجاج

جيڪب آباد (رپورٽر) جيڪب آباد جي خانگي سينٽر ۾ ڳوٺ مجن ٿرڙي واسڻ ڳورهاري عورت ليلان سولنگي انتظاميا جي مبينا لاپرواهي سبب فوت، عورت جي وارثن جو خانگي ميڊيڪل انتظاميا تي لاپرواهي جا الزام لڳائيندي لاش رکي ڌرڻو هنيو يو، سندن چوڻ هو ته عورت کي ويم لاءِ خانگي ميڊيڪل سينٽر آندو ويو ڊاڪٽر آپريشن ڪئي جنهن کانپوءِ حالت خراب ٿي، اسان جي مريضه عورت 2 ڪلاڪن تائين تڙپندي رهي اسپتال ۾ ڊاڪٽر موجود نه هئا ناري جي امڙ امڙ جيوائي جو چوڻ هو ته منهنجي ڌيءَ آپريشن کان پوءِ اسپتال انتظاميا جي لاپرواهي سبب تڙپي تڙپي فوت ٿي وئي اسان کان 30 هزار روپيا ورتا ويا رت جي ٿيلهي لاءِ 5 هزار وڌيڪ اوڳاڙيا ويا خانگي ميڊيڪل سينٽر انتظاميا خلاف ڪارروائي ڪري اسان سان انصاف ڪيو وڃي.