ٺٽو: ھاليچي ڍنڍ ڀرسان قائم ڪمپني جي انتظاميہ جون رهواسين سان مبينا زيادتيون

ٺٽو(ڊر)ھاليچي ڍنڍ ڀرسان قائم ٿيل AY ڪمپني جي انتظاميہ پاران طاقت جي زور تي مقامي رھواسين جو جيئڻ جنجال بنائي سندن رستا، لنگھ بند ڪرڻ بعد ھاڻي کين پنھنجي ئي ڳوٺن مان بيدخل ڪري سندن ڳوٺ وارين زمينن تي قبضا ڪرڻ جون ڪوششون جاري ڪري ڇڏيو، مقامي رھواسي سخت پريشان، متاثرين جون دانھون، انصاف جو مطالبو، ان سلسلي ۾ ھاليچي ڍنڍ لڳ ڳوٺ محمد قاسم ميربحر جي رھواسي شير محمد ميربحر صحافين اڳيان دانھيندي الزام ھڻندي چيو اھي تہ سندن ڳوٺ محمد قاسم ميربحر پاڪستان ٺھڻ کان بہ اڳ جو آباد اھي، جنھن ڳوٺ ڀرسان AY ڪمپني جي انتظاميہ ھاڻي زمينون خريد ڪرڻ بعد مقامي ماڻھن جو جيئڻ جنجال بنائي ڇڏيو اھي، جن پاران مقامي رھواسين کي بلاجواز پريشان ڪري سندن رستا بند ڪرڻ بعد ھاڻي کين پنھنجي ئي ڳوٺ توڙي گھرن مان بيدخل ڪري سندن گھرن واري زمينن تي قبضو ڪرڻ چاھين ٿا، پورھيت شير محمد ميربحر چيو تہ سندن روزگار جو وسيلو مڇي ماري ٻچن جو پيٽ گذر ڪرڻ آھي، پر مذڪورہ ڪمپني جي انتظاميہ اسان کان اھو روزگار جو بہ حق کسي بک ۽ بدحالي طرف ڌڪڻ چاھي ٿي، پر اسان پنھنجا ڪکاوان گھر توڙي ڳوٺ ڪنھن بہ صورت ۾ خالي ڪونہ ڪنداسين، شير محمد ميربحر چيو تہ ھن کان اڳ مذڪورہ ڪمپني جي انتظاميہ سوين ايڪڙ سرڪاري زمين، ٽوئرازم کاتي جي بنگلي سميت وڏي ايراضي زمين تي قبضا ڪري مقامي ماڻھن جو جيئڻ جنجال بنائي مقامي 5 ڳوٺن جي پيئڻ جي پاڻي واري واٽر سپلاء جي لائين تي بہ قبضو ڪري ورتو اھي، پر ان قبضاگير ڪمپني جي انتظاميہ خلاف ڪير بہ ڪاروائي ڪرڻ لاء تيار ناھي، ھن وزير اعلي سنڌ، ڊي سي ٺٽو، چونڊيل نمائندن سميت سمورن وس وارن کان گھر ڪئي تہ ساڻن انصاف ڪري کين پنھنجي ئي ڳوٺ مان طاقت جي زور تي بيدخل ٿيڻ کان بچائي ڪمپني انتظاميہ خلاف ڪاروائي ڪري کين پريشاني کان بچائي کين تحفظ مھيا ڪرڻ سميت کين AY ڪمپني جي انتظاميہ جي زيادتين مان نجات ڏياري سندس خلاف قانوني ڪاروائي ڪرائي ان پاران سرڪاري زمينن، سرڪاري بنگلن سميت جن بہ زمينن تي قبضا ڪيا ويا آھن، اھي قبضا فورن خالي ڪرائي کيس ھتان نيڪال ڏياري وڃي، جيئن مقامي ماڻھون سک جو ساھ کڻي سگھن.