خيرپور ۾ عورت جو مڙس تي غير فطري عمل جو الزام، عدالت ۾ پٽيشن داخل

خيرپور (ڊ ر) خيرپور جي عدالت ڀرڳڙي محلي جي رهواسڻ جي داخل ٿيل درخواست منظور ڪري ورتي، مڙس، سس، سهري ۽ ڏير خلاف ڪيس داخل ڪرڻ جو حڪم جاري ڪري ڇڏيو، مڙس مٿان زال کي پويان جنسي حوس جو نشانو بڻائڻ ۽ ساهرن مٿان دانهڻ تي گهران ڪڍڻ جا الزام خيرپور جي ٿرڊ ايڊيشنل سيشن جج الطاف حسين بجاراڻي جي عدالت ڀرڳڙي محلي خيرپور جي رهواسڻ مسمات ڪلثوم ڌيءَ خادم حسين ابڙو طرفان داخل ٿيل درخواست منظور ڪندي سندس مڙس الهه بچايو قناصرو، سهري لياقت علي قناصرو، سس مسمات افسانه ۽ ڏير نعمت الله قناصرو مٿان ايف آءِ آر داخل ڪرڻ جو حڪم جاري ڪري ڇڏيو آهي. عدالت ۾ مسمات ڪلثوم ابڙو طرفان پنهنجي مڙس الله بچايو قناصرو مٿان الزام مڙهيندي ڄاڻايو هيو ته سندس مڙس کيس پويان جنسي حوس جو نشانو بڻايو جنهن جي دانهن پنهنجي سهري، سس ۽ ڏير کي ڏني ته انهن مارڪٽ ڪري گهران ڪڍي ڇڏيو آهي. هن عدالت کي استدعا ڪئي ته کيس انصاف فراهم ڪندي مخالفن خلاف ايف آءِ آر داخل ڪرڻ جو حڪم جاري ڪيو وڃي اهڙي درخواست عدالت ٻڌڻي دوران منظور ڪري ورتي.