ٺٽو پوليس پاران روڊ ڦر جي ڪيس ۾ گهربل 3 جوابدار گرفتار, چوري ٿيل موبائل فون، سڃاڻپ ڪارڊ ۽ ڏوهه ۾ استعمال ٿيندڙ موٽرسائيڪل هٿ

گرفتار ٿيلن ۾ نواز گبول، علي اڪبر خاصخيلي ۽ مبارڪ شيدي شامل

ٺٽو (ڊ ر) ٺٽو پوليس پاران روڊ ڦر جي ڪيس ۾ گهربل 3 جوابدار گرفتار، چوري ٿيل نقدي، موبائل فون، سڃاڻپ ڪارڊ ۽ ڏوهه ۾ استعمال ٿيندڙ موٽرسائيڪل هٿ، ڪيس داخل تفصيل موجب ايس ايس پي ٺٽو فاروق احمد بجاراڻي جي حڪم تي، ٺٽو پوليس ڏوهاري عنصرن ۽ عادتي ڏوهارين خلاف تيزي سان ڪريڪ ڊائون ڪري 6 آڪٽوبر 2025 جي رات، جوابدار پراڻي پل گھارو جي ويجهو نواز علي ملاح کان 3000 رپيا نقد ۽ هڪ موبائل فون ڦري فرار ٿي ويا. نواز علي ملاح جي شڪايت تي گھارو پوليس اسٽيشن ۾ پاڪستان پينل ڪوڊ جي سيڪشن 392,397 تحت ڪيس نمبر 214/2025 داخل ڪيو ويو. ايس ايس پي ٺٽو فاروق احمد بجاراڻي جي حڪم تي، ايس ايڇ او گهارو پوليس اسٽيشن انسپيڪٽر محمد علي ڌامراھ پنهنجي عملي سان گڏ، جاچ دوران ڳجهي اطلاع ملڻ تي، ڄام برانچ اسٽاپ گهارو کان ساڪرو روڊ تي ڪاميابي سان آپريشن ڪيو ۽ ڦر جي ڪيس ۾ گهربل ٽن جوابدارن، نواز پٽ الياس گبول، علي اڪبر پٽ ابراهيم خاصخيلي، ۽ مبارڪ پٽ محمد بخش شيدي کي گرفتار ڪري ورتو، شروعاتي جاچ دوران، جوابدار جي قبضي مان مدعي نواز علي ملاح کان چوري ڪيل هڪ موبائل فون ۽ 3000 رپيا نقد هٿ ڪيا ويا. وڌيڪ جاچ دوران، جوابدار جي قبضي مان ٻين واقعن ۾ چوري ڪيل ٽي موبائل فون ۽ سڃاڻپ ڪارڊ پڻ هٿ ڪيا ويا. ان کان علاوه، ڏوهن ۾ استعمال ٿيندڙ هڪ سي ڊي 70 موٽرسائيڪل پڻ هٿ ڪئي وئي. گرفتار ٿيل جوابدارن روڊ ڦر جي ڪيترن ئي واقعن ۾ ملوث هجڻ جو به انڪشاف ڪيو آهي، جن جو مجرمانه رڪارڊ ڳوليو پيو وڃي، 3 هٿ ڪيل موبائل فون ۽ سڃاڻپ ڪارڊ تصديق کان پوءِ اصل مالڪن جي حوالي ڪيا ويا آهن، وڌيڪ جاچ جاري آهي.