مورو ۾ ڀٽائي ڪالوني واسي عورت جو وارثن سميت مڙس خلاف احتجاج

مڙس غلام شبير لغاري مسلسل ظلم ڪري رھيو ھو: غنوا لغاري

مورو (جاني جماڻي)مورو شھر جي دادو روڊ ڀٽائي ڪالوني جي رھواسين جو ظلم خلاف احتجاجي مظاهرو ڪيو ويو جنھن جي اڳواڻي غنوا، ريشمان، زبيدان، رمضان، شاھد ٻٻر ڪري رھيا ھئا. ان موقعي تي مسمات غنوا ٻڌايو ته منھنجو مڙس غلام شبير لغاري مون مٿان مسلسل ظلم ڪري رھيو ھو ۽ مارڪٽ ڪري گھران ڪڍي ڇڏيو آھي ۽ منھنجا چار ٻار ڪشف، جنت، شھزان، سھيل کي کڻي ويو آھي جنھن کي ھڪ ھفتو گذري ويو آھي مون سان ملايو به نه پيو وڃي. مون اھڙي ناانصافي ظلم خلاف عدالت سڳوريءَ ۾ وئي آھيان جنھن تي ھاڻي ھو سنگين نتيجا ڀوڳڻ جون ڌمڪيون ڏئي رهيو آهي ۽ منھنجي مڙس غلام شبير لغاري سان گڏ خادم، منٺار، موسا، عيسا، دادن، فنڪار لغاري ساٿ ڏئي رھيا آھن جيڪي قتل اغوا ڪرڻ جون ڌمڪيون ڏئي رھيا آھن ھن آء جي سنڌ، ڊي آء شھيد بينظير آباد، ايس ايس پي نوشهروفيروز، ڊي ايس پي مورو، ايس ايڇ او مورو سميت وس وارن کان مطالبو ڪيو ته مذڪورا معاملي جو نوٽيس وٺي معصوم ٻارڙا واپس ڏياري انصاف تحفظ فراهم ڪيو وڃي ٻي صورت ڪجھ بہ ٿيو ان جا ذميوار مذڪورا ماڻھون ھوندا.