ٺٽي ۾ ٻن نوجوانن پاران ڀاءُ کي مبينا کنڀي گم ڪرڻ خلاف احتجاج

پوليس بلاول سومرو کي پٺاڻ ڪالوني ڀرسان کنڀي گم ڪري ڇڏيو آهي: مظاهرين

ٺٽو(محمد شفيق ڀٽي) ڪينجهر ٿاڻي جي حد ڳوٺ حبيب خان سومرو جي رهائشي ٻن ڀائرن عبدالواحد سومرو محمد عظيم سومرو عوامي پريس ڪلب ٺٽو ۾ پهچي الزام هڻندي چيو آهي ته سندن نوجوان ڀا۽ بلاول سومرو کي اڄ شاه عقيق طرف ويندي پٺاڻ ڪالوني ڀرسان پوليس کيس کنڀي گم ڪري ڇڏيو آهي هنن جو چوڻ هو ته سندن پوليس هٿان کنڀي گم ڪيل ڀا۽ بلاول جيڪو اڳ ڪنهن به ڪيس وغيره ۾ ناهي نه سندس ڪو ڏوهاري رڪارڊ آهي پوليس بلاجواز کنڀي گم ڪيو آهي هنن جو چوڻ هو ته اسان جڏهن ٺٽو پوليس کان سندن ڀا۽ جي گرفتاري لا۽ معلوم ڪيو ته کين چيو پيو وڃي ته نارڪو ٽيڪس پوليس کين گرفتار ڪيو هوندو جڏهن ته سندن ڀا۽ ڪوبه منشيات وغير جي ڪاروباري سرگرمي ۾ ملوث ناهي هنن چيو ته کين خدشو آهي ته پوليس سندن ڀا۽ کي ڪٿي ڪوڙو مقابلو ڏيکاري ماري نه ڇڏي يا وري مٿس ڪو ڪوڙو ڪيس داخل ڪيو وڃي هنن ايس ايس پي ٺٽو ڊي آئي جي حيدرآباد آئي جي سنڌ کان فوري نوٽيس وٺڻ جو مطالبو ڪيو آهي