کراچی کا انفرااسٹرکچر معیاری نہیں، دیکھ کر افسوس ہوتا ہے: وفاقی وزیر مواصلات علیم خان

views | 03rd Nov 2025 • تازہ ترین

وفاقی وزیرِ مواصلات علیم خان نے کراچی کے انفرااسٹرکچر پر شدید تشویش کا اظہار کرتے ہوئے لیاری ایکسپریس وے پر جاری کام کو غیر تسلی بخش قرار دے دیا اور ممبر ساؤتھ کو معطل کرنے کی ہدایت کردی۔

کراچی کا انفرااسٹرکچر معیاری نہیں، دیکھ کر افسوس ہوتا ہے: وفاقی وزیر مواصلات علیم خان

اپنے بیان میں علیم خان نے کہا کہ کراچی ملک کا معاشی مرکز ہے، مگر یہاں کا موجودہ انفرااسٹرکچر اس حیثیت کے مطابق نہیں۔ انہوں نے کہا، "جب بھی کراچی آتے ہیں، شہر کی حالت اور انفرااسٹرکچر دیکھ کر دلی افسوس ہوتا ہے۔" انہوں نے مزید کہا کہ لیاری ایکسپریس وے کو مثالی منصوبہ بنایا جائے گا، جبکہ ایم-6 اور ایم-10 موٹروے منصوبے اسی مالی سال کے دوران شروع کیے جائیں گے۔ وفاقی وزیر نے اس عزم کا اظہار بھی کیا کہ کراچی کے شہریوں کو صاف، خوبصورت اور معیاری انفرااسٹرکچر فراہم کیا جائے گا۔