ملير: ميمڻ ڳوٺ پوليس جا دنبا ڳوٺ ۾ ڇاپا، نوجوان نوجوان گرفتار، علائقي واسين جو ڌرڻو

پوليس گهر گهر ڇاپا هڻي فاروق خاصخيلي کي گرفتاري ڪري ورتو، سندس وارثن شهرين پاران ڌرڻو هنيو ويو

ملير (رپورٽ: عبدالرشيد مورجھريو)ميمڻ ڳوٺ پوليس دنبہ گوٺ ۾ گهر گهر ڇاپا هڻي نوجوان فاروق خاصخيلي کي گرفتاري ڪري ورتو جنهن خلاف وارثن توڙي علائقي واسين شديد احتجاج ڪندي دنبہ ڳوٺ موٽرو وي تي ڌرڻو روڊ بند ڪري ڇڏيو جنهن سبب ٽرئفڪ مڪمل طور معطل ٿي وئي ان سلسلي ۾ معلوم ٿيو آهي ته ميمڻ ڳوٺ پوليس ڇاپن دوران فاروق خاصخيلي کي گرفتار ڪيو هو. گرفتاري بعد، نوجوان جي گهرڀاتين ۽ علائقي وارن الزام لڳايو ته فاروق خاصخيلي کي هڪ بااثر شخص جي هدايت تي ڪوڙي ڪيس ۾ ڦاسايو پيو وڃي جڏهن ته هن جو ڪنهن به ڏوهاري سرگرمي سان ڪو به تعلق نه آهي.احتجاج ڪندڙن جو چوڻ هو ته پوليس بلاجواز ڇاپا هڻي علائقي جي نوجوانن کي هراساڻ ڪري رهي آهي مظاهرين مطالبو ڪيو ته جيڪڏهن پوليس وٽ ڪو مضبوط ثبوت آهن ته انهن کي عدالت ۾ پيش ڪيو وڃي، ٻي صورت ۾ نوجوان کي فوراً آزاد ڪيو وڃي.ڌرڻي سبب دنبہ گوٺ موٽرو وي تي گاڏين جون ڊگهي قطارون لڳي ويون صورتحال جي سنگيني کي ڏسي پوليس پهچي مظاهرين سان ڳالهين ڪيون.شديد عوامي دٻاءُ ۽ ڳالهين کان پوءِ پوليس مبينه ملزم فاروق خاصخيلي کي آزاد ڪري ڇڏيو، جنهن کان پوءِ دھرڻو ختم ڪيو ويو ۽ ٽرئفڪ بحال ٿي وئي. .