ٺٽو پوليس پاران هڪ ڦورو کي گرفتار ڪرڻ جي دعويٰ

ٺٽو( شفيق ڀٽي)جھرڪ پوليس جي ڪامياب ڪارروائي، موٽر سائيڪل ڦر ڪندڙ گينگ جو پردو فاش، هڪ جوابدار گرفتار، ٻه فرار.جھرڪ پوليس بروقت ۽ اثرائتي ڪارروائي ڪندي موٽر سائيڪل ڦر ڪندڙ گينگ خلاف وڏي ڪاميابي حاصل ڪئي آهي. پوليس ڪارروائي دوران هڪ جوابدار چوري شده موٽر سائيڪل سميت گرفتار ڪيو ويو، جڏهن⁠ ته ٻه جوابدار فرار ٿيڻ ۾ ڪامياب ٿي ويا.پوليس موجب، گرفتار جوابدار جي سڃاڻپ منو ولد عبدالستار ملاح، رهواسي سانگ ميھاڻ، ضلعو ٽنڊو محمد خان طور ٿي آهي. گرفتار جوابدار وٽان ھڪ ٻئي چوري ٿيل موٽر سائيڪلون پڻ برآمد ڪئي ويئي آھي.پوليس وڌيڪ ٻڌايو ته واردات ۾ ملوث فرار جوابدار الڻ ولد منو ملاح ۽ عمران ولد محمد رمضان ملاح جي گرفتاري لاءِ مختلف هنڌن تي ڇاپا هنيا پيا وڃن ۽ سندن تلاش جاري آهي.ان حوالي سان ڊي ايس پي جھرڪ واجد ٿهيم ۽ ايس ايڇ او جھرڪ اميربخش بکراڻي پريس ڪانفرنس ڪندي ٻڌايو ته اطلاع ملڻ شرط پوليس فوري ڪارروائي ڪئي، جوابدارن جو پيڇو ڪيو ويو ۽ ٽنڊو محمد خان ويندڙ روڊ سم نالي ڀرسان گهيرو ڪري هڪ جوابدار کي گرفتار ڪيو ويو جڏهن⁠ ته ٻيا ٻه فرار ٿي ويا. پوليس موجب، گرفتار جوابدار دورانِ جاچ جھرڪ جي حد مان ٿيل وڌيڪ موٽر سائيڪل ڦرن جو اعتراف پڻ ڪيو، جنهن بعد اهي موٽر سائيڪلون به برآمد ڪيون ويون آهن.پوليس جو چوڻ آهي ته وڌيڪ جوابدارن جي گرفتاري ۽ ٻين وارداتن بابت جاچ جاري آهي ۽ ڏوهارين خلاف ڪارروائي وڌيڪ تيز ڪئي ويندي.