ٹرمپ کی دھمکیوں کا کوئی اثر نہیں پڑا، تباہی کے خلاف ہیں: اسپین اپنے مؤقف پر قائم

میڈرڈ (ویب ڈیسک) اسپین کے وزیرِاعظم Pedro Sánchez نے کہا ہے کہ ان کا ملک مشرقِ وسطیٰ میں جاری جنگ جیسی تباہی کے خلاف ہے۔ ان کا یہ بیان ایسے وقت میں سامنے آیا ہے جب امریکی صدر Donald Trump نے ایران سے متعلق تنازع پر میڈرڈ کے مؤقف کے باعث اسپین کے ساتھ تجارتی تعلقات محدود کرنے کی دھمکی دی تھی۔ قوم سے ٹی وی پر خطاب کرتے ہوئے پیڈرو سانچیز نے کہا کہ انسانیت کی بڑی تباہیاں اسی طرح شروع ہوتی ہیں، آپ لاکھوں لوگوں کی زندگیوں سے جوا نہیں کھیل سکتے۔ دونوں North Atlantic Treaty Organization (نیٹو) اتحادیوں کے درمیان کشیدگی اس وقت بڑھی جب سانچیز نے ایران پر امریکی اور اسرائیلی بمباری کو لاپرواہ اور غیر قانونی قرار دیا۔ اس کے بعد تہران کے خلاف کارروائی کے لیے امریکی طیاروں کو اسپین کے بحری اور فضائی اڈوں کے استعمال کی اجازت دینے پر پابندی عائد کر دی گئی۔