نوشھروفيروز: دلي پوٽا ڀرسان ڳوٺ دريا خان ڏھراج ۾ ھلندڙ پراڻي تڪرار جو نبيرو

وڏيري خورشيد احمد ڏهراج جي سرپئنچي ۾ جرڳو ٿيو، وڏيرو ماجد ڏهراج، ربنواز ڏهراج ۽ اشفاق ڏهراج امين مقرر

نوشهرو فيروز(ڊ ر)دلي پوٽا ڀرسان ڳوٺ دريا خان ڏهراج ۾ هلندڙ پراڻي زمين جي تڪرار جو فيصلو وڏيري خورشيد احمد ڏهراج جي سرپئجي ۾ ڪيو ويو. فيصلي جا امين وڏيرو ماجد ڏهراج، وڏيرو ربنواز ڏهراج ۽ وڏيرو اشفاق احمد ڏهراج مقرر ٿيا. خبر موجب تڪرار ۾ هڪ ڌر ۾ آصف ڏهراج، نثار ڏهراج، صدرالدين ڏهراج ۽ سيٺ مولابخش ڏهراج شامل هئا، جڏهن ته ٻي ڌر ۾ علي اصغر ڏهراج ۽ فضل ڪريم ڏهراج شامل هئا. وڏيري خورشيد احمد ڏهراج ۽ امينن ٻنهي ڌرين جا موقف ٻڌڻ بعد فيصلو ٻڌائيندي چيو ته هر ڌر پنهنجي حصي موجب جنهن جي مهاڳي ۾ زمين آهي، اها زمين ان جي حوالي ڪئي ويندي، جڏهن ته امين سرزمين تي وڃي حدبندي ڪرائي ڌرين کي سندن حصو ڏيکاريندا. فيصلي بعد ٻنهي ڌرين ان کي خوشي سان قبول ڪيو ۽ پاڻ ۾ موجود سموريون رنجشون ختم ڪرڻ جو اعلان ڪيو. ڌرين هڪ ٻئي سان ڀاڪر پائي کير کنڊ ٿي ويون، جڏهن ته علائقي جي معززن فيصلي کي امن، ڀائيچارو قرار ڏنو