سجاول جي هاءِ اسڪول ۾ ٽن ڏينهن وارو سائنسي ميلو ٻي ڏينهن به جاري
سجاول جي هاءِ اسڪول ۾ ٽن ڏينهن وارو سائنسي ميلو ٻي ڏينهن به جاري
سجاول (رپورٽر) سجاول ۾ تعليم کاتي سنڌ ريفارم سپورٽ يونٽ, ٿر ايجيوڪيشن الائنس ۽ يونيسيف پاران هاءِ اسڪول سجاول ۾ ٽن ڏينهن جو سائنسي ميلو ٻي ڏينهن به جاري.ڊپٽي ڪمشنر ,ڊائريڪٽر تعليم ,اسٽيڊا انچارج سنڌ فيسٽيول جو دورو.ماهرن جا مختلف تعليم بابت معاملن تي سيشن.اڄ آخري ڏينهن بهترين ماڊل ٺاهي نمائش ڪندڙ اسڪولن کي شيلڊ ۽ سرٽيفڪيٽ ڏنا ويندا.سجاول ۾ تعليم کاتي ريفارم سپورٽ يونٽ ٿر ايجيوڪيشن الائنس ۽ يونيسيف پاران هاء اسڪول گرائونڊ سجاول ۾ سائنسي فيسٽيول جون سرگرميون ٻي ڏينهن به جاري رهيون.فيسٽيول ۾ 50 سرڪاري ۽ خانگي اسڪولن جي شاگردن پنهنجي ٺاھيل سائنسي ماڊلز جي نمائش ڪئي. ميلي ۾ سجاول ٺٽو ۽ بدين ضلعن جي سرڪاري ۽ خانگي تعليمي ادارن جي شاگردن پنهنجي اسٽالن تي ماڊلز جي نمائش ڪئي.فيسٽيول جو ڊپٽي ڪمشنر سجاول عبدالواجد شيخ, ڊائريڪٽر تعليم حيدرآباد ۽ ڊائريڪٽر اسٽيڊا سنڌ رسول بخش شاه ۽ ٻين اسٽالن جو دورو ڪيو ۽ ٻارن جي همت افزائي ڪئي.فيسٽيول ۾ الڳ الڳ سيشن پڻ ٿيا جنهن ۾ تعليمي ۽ سماجي معاملن جي ماهرن حميد ڏيپلائي, مڪل شاھ ,رام ڪولهي, راهول ديو, سدره سدوزئي ,ڊاڪٽر سومار کوسو ,ڪپيل ديو ,عمر ٻرڙو ۽ ٻين مختلف ٻارن سان لاڳاپيل اشوز تي ڳالھ ٻول ڪئي.فيسٽيول جي آخري ڏينهن اڄ ڇنيڇر ڏهاڙي اختتامي تقريب ٿيندي جنهن ۾ بهتر ماڊل ٺاهي نمائش ڪندڙ اسڪولن جي شاگردن کي شيلڊ ۽ سرٽيفڪيٽ ڏنا ويندا.
0 تبصرے