نوشروفيروز ۾ صحت کاتي پاران ٻارڙن کي مختلف بيمارين کان بچائڻ بابت آگاھي ريلي

31 views | 26th Apr 2024 • سنڌي خبرون

نوشروفيروز ۾ صحت کاتي پاران ٻارڙن کي مختلف بيمارين کان بچائڻ بابت آگاھي ريلي

نوشهرو فيروز (ڊر) نوشهروفيروز ۾ هيلٿ کاتي پاران ٻارڙن کي مختلف بيمارين کان بچائڻ جي لاء هلندڙ ڪيمپين جي سلسلي ۾ ريلي ڪڍي وئي جنهن جي اڳواڻي ڊي ايڇ او ڊاڪٽر عبدالحميد انصاري , ايم ايس ڊاڪٽر خادم مڱريو , ڊاڪٽر خالده قريشي , ڊاڪٽر ستار ٻلال ۽ ٻيا ڪري رهيا هيا جن سول اسپتال جي او پي ڊي بلاڪ کان ريلي ڪڍي جنهن ۾ هيلٿ کاتي جي ميل ۽ فيميل ملازمن وڏي انگ ۾ شرڪت ڪئي ان موقعي تي ڊي ايڇ او عبدالحميد انصاري خطاب ڪندي چيو ته 24 اپريل کان 30 اپريل تائين هلندڙ ڪيمپين جيڪا 12 خطرناڪ بيمارين کان پنهنجي گلڙن جهڙن پيارڙن ٻارڙن کي بچائڻ لاء ويڪسينيشن ڪرايو ته جيئن اهي بيمارين کان محفوظ رهن هن چيو ته گردن ٽوڙ , ارڙي , کنگھ , آنڊي جو بخار , جهٽڪن جي بيماري , ڪاري ڪامڻ سميت ٻين بيمارين خلاف هلندڙ مهم ۾ انهن خطرناڪ مرضن کان پنهنجن معصوم ٻارڙن کي بچائڻ لاء هيلٿ کاتي جي سينٽرن تي وڃي ۽ هيلٿ کاتي جي ٽيمن سان سهڪار ڪري اسان جو ساٿ ڏيو ۽ پنهنجن ٻارڙن کي ويڪسن ڪرايو ته جيئن ٻارڙا خطرناڪ ۽ موذي مرضن کان بچي سگهن