ٽنڊو آدم ۾ ڦٽو رڪشا ۽ موٽر سائيڪل ۾ زوردار ٽڪر، 9 ڄڻا زخمي

ٽنڊو آدم ۾ ڦٽو رڪشا ۽ موٽر سائيڪل ۾ زوردار ٽڪر، 9 ڄڻا زخمي

ٽنڊو آدم (حسنين عاشق ساند) ٽنڊو آدم ۾ ڦٽو رڪشا ۽ موٽر سائيڪل ۾ زوردار ٽڪر 9 ڄڻا زخمي، تعلقا اسپتال ٽنڊو آدم ۾ داخل. رپورٽ موجب ٽنڊو آدم ۾ کنڊو روڊ تي تيز رفتار ڦٽو رڪشا ۽ موٽر سائيڪل ۾ زوردار ٽڪر ٿي پيو جنهن جي نتيجي ۾ 9 ڄڻا حافظ معاويه، نظيرعلي، وزير، ننگر، ڪالو، غفور احمد، سڪندر خان، بشير ۽ ارشاد سخت زخمي ٿي پيا، سمورن زخمين کي تعلقا اسپتال آندو ويو جتان طبي امداد ڏيڻ بعد ڳڻتي جوڳي حالت هجڻ سبب ٽن زخمين حافظ معاويه، سڪندر ۽ بشير کي حيدرآباد جي اسپتال ايل ايم يو ريفر ڪيو ويو آھي۔ باقي زخمين کي تعلقا اسپتال ۾ ئي داخل ڪيو ويو آھي. ٻڌايو پيو وڃي ته موٽرسائيڪل تي سوار نوجوان جي ٽوپي لھي وئي جنھن کي کڻڻ لا۽ گاڏي موڙي تہ سامھون کان ايندڙ تيز رفتار ڦٽو رڪشا جو ٽڪر ٿي پيو.