نوشهروفيروز ويجهو پيرسن عورت جو ڀائٽي سميت بااثرن خلاف احتجاج

بااثرن لنگهه بند ڪري ڇڏيو، گذرڻ تان گهر تي حملو ڪري زخمي ڪري ڇڏيو: مظاهرين

نوشهروفيروز (ڊ ر) نوشهروفيروز ويجهو ڳوٺ ڪلهوڙا اسٽيشن جي رهواسي پيرسن عورت مسمات شريفان ٻٻر پنهنجي ڀائٽي سان گڏ پريس ڪلب آڏو احتجاج ڪندي صحافين اڳيان دانهيندي چيو آهي ته علائقي جا بااثر وڏيري حزب الله راڄپر، ممتاز راڄپر، غلام شبير، ۽ ظفر الله راڄپر وارن جي گهر جي گٽر جو پاڻي اسان جي گهر ۾ اچڻ تي روڪڻ تان وڏيرا مڇرجي پيا آهن جن اسان جي اچ وڃ واري گهٽي بند ڪري ڇڏي آهي ۽ هاڻي چون ٿا ته هيءَ گهٽي اسان جي آهي هن چيو ته اسان گهٽي مان لنگهڻ جي ڪوشش ڪئي ته بااثرن هڪ ته لنگهڻ نه ڏنو ٻيو ته گهر ۾ گهڙي حملو ڪري زخمي ڪيو ويو آهي جنهن بعد اسان نوشهروفيروز ٿاڻي تي ڪيس داخل ڪرائڻ لاءِ وياسين پهريائين واپس موٽايو ويو پر پوءِ ڪيس ته داخل ڪيو ويو آهي پر پوليس جوابدارن کي گرفتار ڪرڻ لاءِ تيار ناهي جيڪي سخت نتيجا ڀوڳڻ جون ڌمڪيون ڏئي رهيا آهن هن مطالبو ڪيو ته زخمي ڪندڙ جوابدارن کي گرفتار ڪري تحفظ ڏئي انصاف ڪيو وڃي