شڪارپور بچايو تحريڪ جو وفد پريس ڪلب پهتو، نئين چونڊيل باڊي کي مبارڪون

وفد پاران پريس ڪلب جي نئين صدر عبدالسلام انڙ ۽ ٻين عهديدارن کي مبارڪون ڏنيون ويون

شڪارپور (احسان ابڙو) شڪارپور بچايو تحريڪ جو وفد نئين چونڊجي آيل چيئرمين علامه مسعود احمد قادري ۽ جنرل سيڪريٽري عبدالوھاب ڪاغذي جي قيادت ۾ نئين باڊي وائيس چيئرمين : علامه مشتاق احمد سھندڙو جنرل سيڪريٽري : پروفيسر پرڪاش لال جوائنٽ سيڪريٽري : افضل حسين مغل پريس سيڪريٽري : ڪامريڊ احسان جيھو آفيس سيڪريٽري : عبدالغفور دايو پاران وفد جي صورت ۾ پريس ڪلب شڪارپور پھچي پريس ڪلب جي نئين چونڊجي آيل صدر عبدالسلام انڙ سميت باڊي جي عھديدارن کي چونڊجي اچڻ تي گلن جا ھار پارائي مبارڪباد ڏني وئي جتي اڳواڻن ڳالھائيندي چيو ته شڪارپور بچايو تحريڪ شھر جي مسئلن جي حل لاء گذريل ٻارنهن سالن کان ڪم ڪندا پيا اچون اسانجي جدوجھد ۾ صحافي ڀائرن پاڻ ملهائيندا رھيا آھن جڏھن بہ شھري اشوز تي احتجاجي مظاهرا ، ڌرڻا هنيا آھن تہ اسانجي آواز کي قلم زريعي ايوانن تائين پھچائيندا رھن ٿا سياسي ، سماجي ڌريون ۽ صحافين جي گڏيل عمل سان شھري مسئلا حل ٿين ٿا ھنن پاران پريس ڪلب شڪارپور جي نئين باڊي جي عھديدارن سان وڌيڪ ڳالھائيندي چيو ته آئينده لاء بہ شھري اشوز تي جدوجھد ۾ ھميشه جيان ساٿ رھيو ته گھربل نتيجا حاصل ڪندا رهنداسين