عمرڪوٽ: پوليس ۾ ڀرتي لاءِ ٽيسٽ پاس اميدوارن جا 10 کان 12 جنوري تائين ايس ايس پي آفيس ۾ انٽرويو ٿيندا

عمرڪوٽ (رپورٽ:ڪانجي مل رکيسر) پوليس ۾ ڀرتي ٿيندڙ ۽ لکت ۾ پاس ٿيندڙ ڪانسٽيبلن کي اطلاع ٿي ڪجي ته انٽرويو جو شيڊول جاري ڪيو ويو آهي. لکت واري امتحان ۾ ڪامياب اميدوارن کي 10 جنوري 2025 کان 12 جنوري 2025 تائين پوليس هيڊ ڪوارٽر ايس ايس پي آفيس عمرڪوٽ انٽرويو لاءِ اچڻ جو چيو ويو آهي. جنهن موجب 10 جنوري جمعي جي ڏينهن لسٽ نمبر 1 کان 400 وارا. 11 جنوري ڇنڇر جي ڏينهن لسٽ نمبر 401 کان 800 وارا. جڏهن ته 12 جنوري آچر تي لسٽ نمبر 801 کان 1209 وارا لکت واري امتحان ۾ ڪامياب اميدوار انٽرويو لاءِ ايس ايس پي آفيس عمرڪوٽ ۾ صبح 9 وڳي حاضر ٿين ـ اميدوارن کي چيو ويو آهي ته اهي پنهنجا اصل دستاويز ۽ فوٽو ڪاپيون پاڻ سان گڏ آڻين، جنهن ۾ قومي شناختي ڪارڊ، پاسپورٽ سائيز جا 3 عدد فوٽو، تعليمي سرٽيفڪيٽ، ڊوميسائل، فارم ڊي، رٽائرڊ، حاضر سروس پوليس اھلڪار، والدين جي رٽائرمينٽ جو آرڊر، سروس سرٽيفڪيٽ پاڻ سان گڏ آڻڻ. انٽرويو لاءِ حاضر ٿيندڙ اميدوارن کي چيو ويو آهي ته ڏنل هدايتن تي عمل ڪن ۽ وقت جي پابندي جو خيال رکن.