گهارو ۾ واٽر پارڪ جي سوئمنگ پول ۾ وهنجڻ دوران نوجوان ناري ٻڏي فوت

32 views | 22nd May 2025 • سنڌي خبرون

گهارو ۾ واٽر پارڪ جي سوئمنگ پول ۾ وهنجڻ دوران نوجوان ناري ٻڏي فوت

ٺٽو (محمد شفيق ڀٽي) ٺٽي ضلعي جي شھر گھارو لڳ سن وي لوگون واٽر پارڪ جي سوئمنگ پول ۾ ۾ ڪراچي واسي 22 سالن جي نوجوان ڇوڪري وھنجڻ دوران ٻڏي فوت ٿي وئي، تفصيل موجب سن وي لوگون واٽر پارڪ گھارو ۾ سوئمنگ پول ۾ وھنجڻ دوران ايمرجنسي جا انتظام نہ ھئڻ سبب لانڍي ڪراچي جي رھائشي 22سالن جي نوجوان نينگري طاهرا فوت ٿي وئي شهرين ان حوالي سان الزام لڳائيندي چيو ته سن وي لاگون ۾ اهڙا واقعا روز جا معمول بڻيل آهن ان کان اڳ بہ ڪافي ڀيرا واقعا رپورٽ ٿيا آھن جن تي نہ ضلعي انتظاميہ ڪا ڪاروائي ڪئي ۽ نہ ئي واٽر پارڪ جي انتظاميہ اھڙن واقعن کي روڪڻ لاء ڪي اثرائتا اپاء ورتا جنھن جي نتيجي ۾ اڄ ھڪ وڌيڪ زندگي جو ڏيو اجھامي ويو، ٻڏي فوت ٿيل نينگري طاھرہ جي لاش کي رورل هيلٿ سينٽر گهارو نيو ويو جتي ڊاڪٽرن پاران موت جي تصديق ڪئي وئي ۽ ضروري قانوني ڪاروائي ڱان پوء لاش وارثن حوالي ڪيو ويو