ملير: اسٽيل مل مان لوهه ۽ ٽامون چوري ڪرڻ جي ڪوشش ناڪام، 8 جوابدار گرفتار

گرفتار ڪيل جوابدار اوزارن جي مدد سان اسٽيل مل مان سامان چوري ڪري رهيا هئا: پوليس

ملير(رپورٽ: عبدالرشيد مورجھريو) بن قاسم پوليس ڳجهي اطلاع تي ڪارروائي ڪندي پاڪستان اسٽيل مل مان قيمتي لوهه ۽ ٽامون چوري ڪرڻ جي ڪوشش ناڪام بڻائيدي واقعي واري هنڌ تي ڇاپو هڻي 8 ڄڻن جي چور ٽولي کي گرفتار ڪري ورتو اطلاع موجب گرفتار ڪيل جوابدار اوزارن جي مدد سان اسٽيل مل مان سامان چوري ڪرڻ ۾ مصروف هئا ته پوليس جي وقت سر پهچڻ سبب هو پنهنجو منصوبو مڪمل نه ڪري سگهيا گرفتار ٿيل جوابدارن جي سڃاڻپ عارف، آصف، اسلم، وسيم، نديم، ارشد، صالحه ۽ جاويد طور ڪئي ويئي آھي پوليس سندن قبضي مان چوري لاءِ استعمال ٿيندڙ مختلف اوزار پڻ هٿ ڪري ورتا آهن.ابتدائي جاچ دوران معلوم ٿيو آهي ته هي گروهه اڳ به صنعتي علائقن ۾ چوري جي وارداتن ۾ ملوث رهيو آهي. پوليس موجب چور ٽولي جي ٻين سهولتڪارن جي ڳولا جاري آهي.بن قاسم پوليس پاران گرفتار جوابدارن خلاف باقائده ڪيس داخل ڪيو ويو آهي ۽ وڌيڪ قانوني ڪارروائي هلي رهي آھي.