سندھ میں کم از کم تنخواہ 42 ہزار روپے مقرر کرنے کا اعلان

کراچی (ویب ڈیسک) – وزیر اعلیٰ سندھ سید مراد علی شاہ نے سندھ اسمبلی میں خطاب کرتے ہوئے ایک بڑا اعلان کیا ہے کہ صوبے میں کم از کم ماہانہ اجرت کو بڑھا کر 42,000 روپے کیا جا رہا ہے۔ موجودہ تنخواہ کی صورتحال مراد علی شاہ نے بتایا کہ اس وقت سندھ میں کم از کم ماہانہ اجرت 37,000 روپے ہے۔ ان کے مطابق پنجاب اور خیبرپختونخوا میں کم از کم اجرت کو 40,000 روپے تک کرنے کی تجاویز دی گئی ہیں، لیکن سندھ حکومت نے فیصلہ کیا ہے کہ مزدوروں اور ملازمین کے حقوق کو مدنظر رکھتے ہوئے اجرت کو 42,000 روپے تک بڑھایا جائے گا، جو کہ تمام صوبوں سے زیادہ ہے۔ ترقیاتی بجٹ کا موازنہ وزیر اعلیٰ نے صوبوں کے ترقیاتی بجٹ پر روشنی ڈالتے ہوئے کہا: سندھ کی ترقیاتی بجٹ کل بجٹ کا تقریباً 30 فیصد ہے۔ پنجاب کی ترقیاتی بجٹ 23 فیصد اور خیبرپختونخوا کی ترقیاتی بجٹ 25.3 فیصد ہے۔ مراد علی شاه نے مزید تسلیم کیا کہ بلوچستان کی ترقیاتی بجٹ اس وقت سندھ سے زیادہ ہے، تاہم انہوں نے فخر کے ساتھ کہا کہ بلوچستان میں بھی پیپلز پارٹی کی حکومت کا حصہ موجود ہے، اس لیے یہ کامیابی بھی پیپلز پارٹی کی ہے۔ عوامی ردعمل سندھ حکومت کے اس فیصلے کو مزدور تنظیموں اور ملازمین کی جانب سے سراہا جا رہا ہے، جب کہ ماہرین کے مطابق یہ اقدام مہنگائی کے موجودہ دور میں عام آدمی کو کچھ ریلیف فراہم کر سکتا ہے۔