جسقم جي مرڪزي سڏ تي رزاق آباد ۾ قومي ڪارڪنن جي گرفتارين ۽ گمشدگين خلاف ريلي

جسقم ملير جي صدر مختيار سومرو، مرتضيٰ جوڻيجو ۽ ٻين جي اڳواڻي ۾ ريلي ڪڍي احتجاج ڪيو ويو

ملير (رپورٽ: عبدالرشيد مورجھريو)جيئي سنڌ قومي محاذ ملير طرفان مرڪزي سڏ تي ڪارڪنن جي گرفتارين ۽ گمشدگين خلاف رزاق آباد ۾ قومي شاھراھ کان عوامي پريس ڪلب ملير تائين ريلي. مظاھرو ۽ ڌرڻو ڪارڪنن طرفان گرفتار اڳواڻن ۽ ڪارڪنن کي کنڀي گم ڪرڻ خلاف سخت نعري بازي، سنڌ ۾ جسقم خلاف انتقامي ڪاروائين جو سلسلو شروع ڪيو ويو آھي ٻيڏوهي کنڀي گم ڪيل اڳواڻن ۽ ڪارڪنن کي آزد نه ڪيو ويو ته سڄي سنڌ ۾ اڻڃاتل مدي تائين احتجاج ڪنداسين جسقم ملير جي صدر مختيار سومرو ۽ ٻين جون صحافين ڳالھيون تفصيل موجب جيئي سنڌ قومي محاذ مرڪز جي سڏ تي جسقم ملير طرفان ڪارڪنن جي جبري گمشدگين ۽ گرفتارين خلاف جسقم ملير جي صدر مختيار سومرو، مرتضي جوڻيجو، صابر حمايتي مشتاق زهراڻي جي اڳواڻي ۾ احتجاجي ريلي ڪڍي وئي جيڪا رزاق آباد ۾ قومي شاھراھ کان شروع ٿي عوامي پريس ڪلب ملير تي مظاھري ۽ ڌرڻي جي صورت اختيار ڪري وئي احتجاج ۾ جسقم جي ڪارڪنن وڏي تعداد ۾ شرڪت ڪئي ۽ هٿن ۾ بينر، پلي ڪارڊ کڻي سخت نعريبازي ڪري مطالبو ڪيو ويو ته بيڏوهي گرفتار اڳواڻن ۽ ڪارڪنن کي فوري طور آزاد ڪيو وڃي ان موقعي تي جسقم ملير جي صدر مختيار سومرو خطاب ڪندي چيو ته سنڌ ۾ جسقم خلاف انتقامي ڪارروائين جو سلسلو شروع ڪيو ويو آهي جيڪو ڪنهن به صورت ۾ برداشت نه ڪيو ويندو هن چتا ڏنو ته جيڪڏهن جبري طور کنڀي گم ڪيل ڪارڪنن کي آزاد نه ڪيو ويو ته جسقم سڄي سنڌ ۾ احتجاجي تحريڪ جو دائرو وڌائيندي ۽ اڻڄاتل مدي تائين احتجاج ڪيو ويندو ۽ پرامن جدوجهد جاري رکي ويندي ان موقعي تي مرتضي جوڻيجو، صابر حمايتي، مشتاق زهراڻي ۽ ٻين پڻ خطاب ڪيو