ڏوڪري ۾ قومي ڪارڪنن جي آزادي لاءِ جسقم ڪارڪنن پاران زنجير پائي احتجاج

رڪ سنڌي، امتياز کوهارو، عادل علي بالاچ، علي جان ۽ ٻين جي اڳواڻي ۾ احتجاجي مظاهرو ڪيو ويو

ڏوڪري (رپورٽر) ڏوڪري ۾ قومي ڪارڪنن جي آزادي لاءِ جسقم ڪارڪنن زنجير پائي منهن تي ڪاريون پيٽون ٻڌي احتجاجي مظاهرو ڪيو. قومي ڪارڪنن فيصل مستوئي، عزيز ڀنگوار، سرمد سنڌي، مهراڻ ميراڻي سميت کنڀي گم ڪيل قومي ڪارڪنن جي آزاديءَ لاءِ جسقم اڳواڻ رڪ سنڌي، امتياز کوهارو، عادل علي بالاچ، علي جان ۽ ٻين جي اڳواڻي ۾ منهن تي ڪاريون پيٽون ٻڌي زنجير پائي احتجاجي مظاهرو ڪيو آهي. ان موقعي تي احتجاج ڪندڙن ميڊيا سان ڳالهائيندي چيو ته سنڌ جي حقن لاءِ جدوجهد ڪرڻ تي قومي ڪارڪنن فيصل مستوئي، عزيز ڀنگوار، سرمد ميراڻي، مهراڻ ميراڻي سميت ٻين ڪارڪنن کي کنڀي گم ڪيو ويو آهي. هنن مطالبو ڪندي چيو ته بنا دير کنڀي گم ڪيل قومي ڪارڪنن کي ظاهر ڪري آزاد ڪيو وڃي ٻئي صورت ۾ احتجاج جاري رکيو ويندو.