مورو ۾ ناري مڙس هٿان ڪهاڙيون هڻي بيدردي سان قتل
گچيرو روڊ واسي غلام شبير چنه پنھنجي زال 45 ورهين جي غلام پروين کي ڪهاڙيون ھڻي قتل ڪري ڇڏيو
مورو )جاني جماڻي(گچيرو روڊ مورو تي مڙس پنھنجي گھر واري کي ڪھاڻيون ھڻي قتل ڪري ڇڏيو ..تفصيل موجب مورو گچيرو روڊ جي رھواسي نالي غلام شبير ولد فيض محمد چنه پنھنجي 45 ساله زال مسمات غلام پروين کي ڪهاڙيون ھڻي قتل ڪري فرار ٿي ويو آھي . واقعي جو اطلاع ملڻ بعد مقتول عورت جو پٽ نالي عامر پنھنجي امڙ جو لاش کڻي مورو اسپتال پھتو جتي ڊاڪٽرن پاران سندس فوت ٿيڻ جي تصديق ڪئي انھي موقعي تي مقتول عورت جي پٽ عامر ميڊيا اڳيان بيان ڏيندي چيو آھي ت منھنجي امڙ کي منھنجي ويڳي پيءُ غلام شبير قتل ڪيو آھي ھن چيو ت مان مزدوري تي ھيئس ت مونکي پاڙي وارن پاران اطلاع ڏنو ويو مان گھر پھتس ت منھنجي امڙ کي مٿي ۾ ڪهاڙيون لڳل ھيون ۽ رت ۾ لٿ پٿ زمين تي ڪريل ھئي .. جڏھن ت جوابدار پنھنجي گھر واري کي ڪهاڙيون ھڻي قتل ڪرڻ بعد موقعي تان فرار ٿي ويو آھي ھوڏانھن اطلاع ملڻ تي مورو پوليس ايس ايڇ او علي اڪبر کوکر اسپتال پھچي مقتول جي پٽ کان واقعي جا تفصيل ورتا ۽ جانچ شروع ڪري ڏني جڏھن ت ڊاڪٽرن پاران عورت جو لاش پوسٽ مارٽم بعد سندس پٽ حوالي ڪيو ويو
0 تبصرے