سنڌ هاءِ ڪورٽ ۾ ابراهيم حيدري جي ميونسپل عملدارن خلاف توهين عدالت جي درخواست تي ٻڌڻي

ٽي ايم سي ابراهيم حيدري انتظاميا عدالتي حڪم جي برخلاف غيرقانوني چنگي هلائي رهي آهي: درخواستگذار

ملير (رپورٽ: عبدالرشيد مورجھريو)ٽائون مونسپل ڪارپوريشن ابراهيم حيدري جي عملدارن خلاف توہينِ عدالت جي درخواست تي سنڌ هاءِ ڪورٽ ۾ ٻڌڻي ٿي ان سلسلي م درخواست ۾ موقف اختيار ڪيو ويو آهي ته عدالت جي 28 جولاءِ 2025ع جي حڪم جي ڀڃڪڙي ڪئي وئي، جڏهن ته جوابدارن کي عدالتي حڪم جي ڄاڻ هجڻ باوجود ان تي عملدرآمد نه ڪيو درخواست موجب، عدالت کان استدعا ڪئي وئي آهي ته حڪم جي ڀڃڪڙي تي توہينِ عدالت جي ڪارروائي شروع ڪئي وڃي دستاويزن مطابق جن آفيسرن خلاف ڪارروائي جي سفارش ڪئي وئي آهي، انهن ۾ چيئرمين TMC ابراهيم حيدري نذير احمد ڀٽو، مونسپل ڪمشنر مسرور نواز خوشڪ، ڊائريڪٽر ٽيڪس مٺل ڪانڌڙو، ڊپٽي ڊائريڪٽر اياز ڀاڳت ۽ ٺيڪيدار وقار احمد شامل آهن درخواست ۾ وڌيڪ چيو ويو آهي ته عدالت جي حڪم موجب 24 جولاءِ 2025ع جو حڪم معطل ڪيو ويو هو، پر ان جي باوجود سينيئر سول جج ملير ڪيس نمبر 3893/2025 کي غيرقانوني طريقي سان خارج ڪيو، جيڪو عدالتي حڪمن جي واضح ڀڃڪڙي آهي درخواست گذار جو چوڻ آهي ته TMC ابراهيم حيدري انتظاميا عدالتي حڪم جي برخلاف غيرقانوني چنگي (ٽيڪس ڪليڪشن پوائنٽ) هلائي رهي آهي، جنهن سبب عدالت کان توہينِ عدالت جي سخت ڪارروائي جي اپيل ڪئي وئي آهي ذريعن موجب، سنڌ هاءِ ڪورٽ هن معاملي تي ملوث آفيسرن کي شوڪاز نوٽيس جاري ڪندي ايندڙ ٻڌڻي تائين وضاحت طلب ڪري ورتي آهي، جڏهن تہ ڪيس تي ٻڌڻي ايندڙ هفتي تائين ملتوي ڪئي وئي آهي۔