اجلاس میں معیزالدین پیرزادہ، محمد یوسف کابورو، سارنگ لطیف چانڈیو، ظفراللہ ملاح اور لیاقت جمالی بھی شريک
کراچی،
سیکریٹری اطلاعات سندھ ندیم الرحمان میمن کی زیر صدارت ڈائریکٹوریٹ آف ایڈورٹائزمنٹ کا ایک اعلیٰ سطحی اجلاس کراچی میں منعقد ہوا، جس میں سرکاری اشتہارات کی ادائیگیوں کے نظام کا تفصیلی جائزہ لیا گیا۔
اجلاس سے خطاب کرتے ہوئے سیکریٹری اطلاعات نے کہا کہ اشتہارات کی ادائیگی کا عمل مکمل طور پر شفاف ہونا چاہیے، اور میڈیا اداروں — جن میں اخبارات، ٹی وی چینلز اور ڈیجیٹل پلیٹ فارمز شامل ہیں — کو بروقت ادائیگیاں یقینی بنائی جائیں۔ انہوں نے زور دیا کہ ادائیگیاں مکمل طور پر حکومتی اشتہاری پالیسی کے تحت کی جائیں تاکہ کسی بھی بے ضابطگی کا خاتمہ ممکن ہو۔
اجلاس میں ڈائریکٹر جنرل اطلاعات معیزالدین پیرزادہ، ڈائریکٹر اشتہارات محمد یوسف کابورو، ڈپٹی ڈائریکٹرز سارنگ لطیف چانڈیو، ظفراللہ ملاح اور اطلاعات آفیسر لیاقت جمالی نے بھی شرکت کی۔
افسران نے اجلاس کے دوران واجب الادا رقوم، موجودہ ادائیگیوں کی صورتحال اور انتظامی چیلنجز پر تفصیلی بریفنگ دی۔ سیکریٹری اطلاعات نے ہدایت کی کہ میڈیا سے روابط کو مزید مؤثر بنایا جائے اور اشتہارات کی ادائیگیوں کا نظام مزید فعال، مؤثر اور شفاف بنایا جائے۔
سیکریٹری اطلاعات نے واضح کیا کہ تمام اقدامات اچھی حکمرانی (Good Governance) کے اصولوں کے مطابق کیے جائیں گے، اور ادائیگیوں میں کسی بھی قسم کی تاخیر یا بے ضابطگی کو ہرگز برداشت نہیں کیا جائے گا۔
0 تبصرے