ملير: عبدالله گبول ڳوٺ ۾ روينيو عملي جي ڪارروائي دوران ڇڪتاڻ، ڳوٺاڻن تي ڪيس داخل

38 views | 09th Oct 2025 • سنڌي خبرون

ملير: عبدالله گبول ڳوٺ ۾ روينيو عملي جي ڪارروائي دوران ڇڪتاڻ، ڳوٺاڻن تي ڪيس داخل

ملير (رپورٽ: عبدالرشيد مورجھريو) گلشن معمار ڀرسان عبداللہ گبول ڳوٺ ۾ انتظاميا تي ٿيل مبينا حملي ۽ جهيڙي جو ڪيس داخل ڪيو ويو آهي پوليس موجب ڪيس نمبر 10148/25 جيڪو اسسٽنٽ ڪمشنر گڏاپ ۽ ڊپٽي ڊائريڪٽر اينٽي انڪروچمينٽ سيل جي درخواست تي داخل ٿيو پوليس موجب مطابق انتظاميا ۽ ٽيم ۽ پوليس گڏجي زمين خالي ڪرائڻ لاءِ ڳوٺ پهتي جتي مقامي ماڻهن سخت مزاحمت ڪئي۔ رپورٽ ۾ ڄاڻايو ويو آهي ته ڳوٺاڻن پٿراءُ ۽ مبينا فائرنگ ڪئي جنهن سبب سرڪاري گاڏين کي نقصان پهتو ۽ ڪيترائي اهلڪار زخمي ٿيا۔پوليس ڪيترن ئي ماڻهن خلاف ڪيس داخل ڪندي تعزيراتِ پاڪستان جا ڪيترا ئي قلم لاڳو ڪيا آهن، جيڪي دهشتگردي، تشدد، سرڪاري ڪم ۾ مداخلت، ڌمڪيون ڏيڻ ۽ زخمي ڪرڻ سان لاڳاپيل آهن ذريعن موجب، ڪيس جي جاچ شروع ڪئي وئي آهي ۽ پوليس ذميوارن خلاف قانوني ڪارروائي جو عنديو ڏنو آهي، جڏهن ته ڳوٺاڻن انتظاميا تي الزام مڙهيو آهي ته بنا نوٽيس سندن گهر ڊاهي بي گهر ڪيو پيو وڃي۔ علائقي ۾ ڇڪتاڻ برقرار آهي ۽ وڌيڪ پوليس نفري تعينات ڪئي وئي آهي۔