سنڌ ۾ انٽرنشپ ڪندڙ شاگردن پاران 5مهينن جي سکيا مڪمل ڪرڻ تي تقريب منعقد، راجوير سنگهه سوڍا ۽ ٻيا شريڪ

وڏي وزير جي خاص معاون راجوير سنگهه سوڍا، سرفراز راڄڙ ۽ ڊاڪٽر لالچند اڪراڻي ۽ ٻيا شريڪ

ڪراچي/عمرڪوٽ(رپورٽ:ڪانجي مل رکيسر)انساني حقن جي کاتي پاران مقامي هوٽل ۾ جشن آزادي ۽ هيومن رائيٽس انٽرنشپ پروگرام جي تقريب ڪوٺائي وئي.انساني حقن جي کاتي پاران اڄ 14 آگسٽ جي موقعي تي ڪراچيءَ جي مهراڻ هوٽل ۾ جشن آزادي ۽ انساني حقن جي کاتي پاران سنڌ جي سمورن ضلعن ۾ انٽرنشپ ڪندڙ 60 شاگردن پاران پنجن مهينن جي سکيا مڪمل ڪرڻ تي تقريب ڪوٺائي وئي.وزيراعليٰ سنڌ جو انساني حقن بابت خاص معاون راجوير سنگهه سوڍا، سياستدان، دانشور ۽ خاص معاون سرفراز راڄڙ ۽ اقليتي مامرن واري کاتي بابت خاص معاون ڊاڪٽر لالچند اڪراڻي تقريب جا خاص مهمان هئا. تقريب ۾ ڊائريڪٽر هيومن رائيٽس آغا فخر حسين، ايس ايس پي انٽي ڪرپشن مير نادر علي ابڙو کان سواءِ پوليس کاتي جا آفيسر، انساني حقن جي کاتي جا آفيسر، انساني حقن بابت ڪم ڪندڙ تنظيمن جا اڳواڻ، انٽرن شپ مڪمل ڪندڙ شاگرد ۽ ٻيا مهمان شريڪ ٿيا.تقريب جي شروعات ۾ تلاوت ڪلام پاڪ ۽ پوءِ قومي ترانو وڄايو ويو. جنهن بعد خاص مهمانن طرفان جشن آزادي جو ڪيڪ ڪَٽيو ويو. جنهن بعد انساني حقن جي کاتي پاران هلندڙ سال جي اسڪيمن ۽ سرگرمين جي پريزنٽيشن ڏني وئي. ڊائريڪٽر آغا فخر حسين انٽرنشپ پروگرام بابت تفصيلي گفتگو ڪئي. شاگردن پاران انٽرنشپ ڪندڙ شاگردن پاران پنهنجي پنهنجي ضلعي اندر ڪم ۽ تجربا شيئر ڪيا ويا. جنهن بعد راجوير سنگهه سوڍا پاران شاگردن ۾ انٽرنشپ مڪمل ڪرڻ جا سرٽيفڪيٽ تقسيم ڪيا ويا.راجوير سنگهه سوڍا پاران نڌ پبلڪ سروس ڪميشن جي امتحان ذريعي انساني حقن جي کاتي ۾ اسسٽنٽ ڊائريڪٽر ٿيندڙ اميدوارن کي سوڍا صاحب پاران آفر آرڊر ڏنا ويا.تقريب کي ايڊووڪيٽ الطاف حسين کوسو، مير نادر علي ابڙو، ڊائريڪٽر آغا فخر حسين، خاص معاون سرفراز راڄڙ ، خاص معاون ڊاڪٽر لالچند اڪراڻي ۽ خاص معاون راجوير سنگهه سوڍا خطاب ڪيو.