ملير: گهگهر لڳ لائين مان پاڻي جي چوري جاري، 8 ورهين جو ٻارڙو ٻڏي ويو

ملير (رپورٽ: عبدالرشيد مورجھريو) ڪراچي واٽر ڪارپوريشن جي انتظاميا جي نااهلي ۽ مبينا سرپرستي ۾ گهگهر جي ويجهو مين واٽر لائين مان وڏي پيماني تي پاڻي جي چوري جو سلسلو جاري آهي، جنهن سبب افسوسناڪ واقعو پيش آيو.اطلاعن موجب پاڻي جي چوري لاءِ ٺهيل لائين ۾ 8 ورهين جو معصوم ٻارڙو معاذ ڪري پيو ۽ ٻڏي ويو. علائقي واسين ۽ ريسڪيو عملي طرفان ٻارڙي کی مسلسل تلاش بعد ڳڻتي حالت م ڪڍي ورتو علائقي وارن الزام مڙهيو آهي ته واٽر ڪارپوريشن جا عملدار ۽ مقامي بااثر فردن جي سرپرستي ۾ غيرقانوني هائيڊرينٽس ۽ پاڻي چوري جو ڌنڌو گهڻي وقت کان هلي رهيو آهي، پر بار بار شڪايتون ڪرڻ باوجود ڪا به ڪارروائي نه ٿي آهي.علائقي واسين حڪومت ۽ اعليٰ اختيارين کان مطالبو ڪيو آهي ته پاڻي چوري ڪندڙ مافيا خلاف فوري قدم کنيا وڃن ۽ معصوم ٻار جي وارثن کي انصاف ڏياريو وڃي.